అక్షరటుడే, వెబ్​డెస్క్ : TASK Training | నిరుద్యోగ యువతకు మంత్రి శ్రీధర్ బాబు గుడ్ న్యూస్ చెప్పారు. టాస్క్​(TASK) ద్వారా ఈ ఏడాది 4,100 ఉద్యోగాలు కల్పిస్తామని మంత్రి శ్రీధర్​బాబు (Minister Sridhar Babu) ప్రకటించారు.

టాస్క్ కార్యక్రమాలపై ఆయన శుక్రవారం అధికారులతో సమీక్ష నిర్వహించారు. రాష్ట్రంలోని పలు జిల్లా కేంద్రాల్లో ఇటీవల టాస్క్​ ద్వారా శిక్షణను ప్రారంభించిన విషయం తెలిసిందే. ఆసక్తి గల యువతకు 30 రోజుల పాటు పరిశ్రామిక శిక్షణ ఇస్తున్నారు. ఈ సందర్భంగా మంత్రి మాట్లాడుతూ.. నిరుద్యోగ యువతకు ఉద్యోగాలు కల్పించేందుకు తమ ప్రభుత్వం కట్టుబడి ఉందని చెప్పారు.

TASK Training | త్వరలో 4,100 ఉద్యోగాలు

ఈ ఏడాదిలో టాస్క్ ద్వారా 4,100 మందికి ఉద్యోగాలు కల్పించనున్నట్లు తెలిపారు. టాస్క్ ద్వారా కనీసం 6 వేల మందికి శిక్షణ ఇవ్వాలని అధికారులకు సూచించారు. నైపుణ్య శిక్షణ అందించడంలో టాస్క్ గణనీయ పురోగతి సాధించనున్నట్లు మంత్రి శ్రీధర్ బాబు తెలిపారు.