అక్షరటుడే, వెబ్డెస్క్ : Delhi Police | పాకిస్థాన్ నుంచి పంజాబ్‌లోకి హై ఎండ్ విదేశీ పిస్టళ్లను అక్రమంగా రవాణా చేయడానికి డ్రోన్‌లను ఉపయోగించే ఒక ప్రధాన అంతర్జాతీయ ఆయుధ అక్రమ రవాణా నెట్‌వర్క్‌ను ఢిల్లీ క్రైమ్ బ్రాంచ్ పోలీసులు (Delhi Crime Branch Police) ఛేదించారు.
పాక్ ఐఎస్ఐ (Pakistan ISI)తో సంబంధం ఉన్న ఈ ముఠా ఢిల్లీ, పొరుగు రాష్ట్రాలలోని నేరస్థులకు టర్కీ, చైనా తయారీ ఆయుధాలను సరఫరా చేస్తోందని పోలీసులు తెలిపారు.ఈ ముఠాలోని నలుగురు కీలక వ్యక్తులను అరెస్ట్ చేసినట్లు పోలీసులు తెలిపారు. వారి నుంచి 10 పిస్టళ్లు, 92 లైవ్ కార్ట్రిడ్జ్‌లను స్వాధీనం చేసుకున్నారు. ఈ ముఠాపై అధికారులు దర్యాప్తు చేప్టటారు. వీరి ఆయుధాలను ఎవరికి విక్రయించారనే వివరాలు ఆరా తీస్తున్నారు. కాగా లూథియానా పోలీసులు గురువారం ఒక ఎన్‌కౌంటర్ (Encounter) సమయంలో పాకిస్థాన్ మద్దతుగల అదే ISI మాడ్యూల్‌కు చెందిన ఇద్దరు సభ్యులపై కాల్పులు జరిపారు. ఈ ఘటనలో వారు గాయపడ్డారు. అందులో ఒకరి పరిస్థితి విషమంగా ఉన్నట్లు సమాచారం. వారి నుంచి పోలీసులు రెండు చైనీస్ గ్రెనేడ్‌లను, సరిహద్దు మీదుగా అక్రమంగా రవాణా చేయబడిన ఐదు పిస్టళ్లను, మందుగుండు సామగ్రిని స్వాధీనం చేసుకున్నారు.
Delhi Police | నిఘా వర్గాల సమాచారం మేరకు
డీసీపీ సంజీవ్‌ కుమార్‌ యాదవ్‌ నేతృత్వంలోని పోలీసులు అక్రమ ఆయుధాల రాకెట్ను ఛేదించడానికి ప్రత్యేక ఆపరేషన్ (Special Operation) చేపట్టారు. ఢిల్లీలో అక్రమ ఆయుధాలు తరలిస్తున్నట్లు సమాచారం అందింది. దీంతో పోలీసులు నిఘా పెట్టగా… రోహిణిలో ఈ ఆయుధ నెట్వర్క్ గుట్టు బయట పడింది. నిందితులు డ్రోన్ల ద్వారా పాకిస్థాన్ నుంచి ఆయుధాలను రవాణా చేస్తున్నట్లు గుర్తించారు. పంజాబ్ సరిహద్దుల నుంచి తెచ్చిన వీటిని దేశంలోని పలు గ్యాంగ్లకు సరఫరా చేసినట్లు తెలుస్తోంది.
