Indiramma Houses | ఇందిరమ్మ ఇల్లు రాలేదని ఆత్మహత్యాయత్నం

అక్షరటుడే, వెబ్​డెస్క్: Indiramma Houses | ఇందిరమ్మ ఇల్లు రాలేదని ఓ వ్యక్తి పురుగుల మందు తాగి ఆత్మహత్యాయత్నం చేశాడు. ఈ ఘటన మెదక్​ జిల్లా(Medak district)లో చోటు చేసుకుంది. బాధిత కుటుంబ సభ్యుల కథనం ప్రకారం.. రామాయంపేట మండలం కాట్రియాల గ్రామానికి చెందిన ఎరుకల అశోక్ అనే యువకుడి పేరు ఇందిరమ్మ ఇళ్ల జాబితాలో వచ్చింది. అయితే కాంగ్రెస్​ నాయకులు(Congress Leaders) ఆయన పేరును జాబితా నుంచి తొలగించారు. దీంతో మనస్తాపం చెందిన అశోక్​ పురుగుల మందు తాగాడు. గమనించిన కుటుంబ సభ్యులు బాధితుడిని ఆస్పత్రికి తరలించారు. ప్రస్తుతం అశోక్​ ఆస్పత్రిలో చికిత్స పొందుతున్నాడు.