అక్షరటుడే, వెబ్డెస్క్: Mahesh Babu | టాలీవుడ్ సూపర్ స్టార్ మహేష్ బాబు అభిమానులకు ఆగస్టు 9న అదిరిపోయే సర్ప్రైజ్లు రానున్నాయి. మహేష్ బాబు పుట్టినరోజు సందర్భంగా ఆయన సినీ కెరీర్కు సంబంధించిన ఓ సూపర్ స్పెషల్ గిఫ్ట్ ప్రేక్షకుల ముందుకు రాబోతోంది. మహేష్ బాబు (Mahesh Babu) నటించిన క్లాసిక్ హిట్ అతడు సినిమాను 4K రీస్టోరేషన్లో రీరిలీజ్కి సిద్ధం చేస్తున్నారు. ఈ సందర్భంగా ప్రత్యేకంగా కట్ చేసిన న్యూ ట్రయిలర్ ఒకటి కూడా విడుదల చేయబోతున్నారు. ఈ ట్రైలర్ను ఇప్పటికే ఫ్యాన్స్ కోసం రెడీ చేసి, పవన్ కల్యాణ్ నటించిన ‘హరి హర వీరమల్లు’ సినిమా థియేటర్లలో స్పెషల్ అట్రాక్షన్గా ప్రదర్శించనున్నారు. దీనివల్ల ఒకేసారి రెండు స్టార్ హీరోల ఫ్యాన్స్కు థియేటర్లలో పండుగ వాతావరణం ఏర్పడనుంది.
Mahesh Babu | సర్ప్రైజెస్..
ఇక మరో సర్ప్రైజ్ ఎలిమెంట్ ఏంటంటే, ఎస్.ఎస్. రాజమౌళి (SS Rajamouli) దర్శకత్వంలో రూపొందనున్న మహేష్ బాబు గ్లోబల్ అడ్వెంచర్ మూవీకి సంబంధించిన గ్లింప్స్ కూడా ఈ బర్త్డే స్పెషల్గా రిలీజ్ చేయనున్నట్లు టాలీవుడ్ వర్గాల నుంచి హింట్స్ వస్తున్నాయి. ఇప్పటికే స్క్రిప్ట్ పనులు పూర్తయి, ప్రీ-ప్రొడక్షన్ దశలో ఉన్న ఈ భారీ ప్రాజెక్ట్పై దేశవ్యాప్తంగా భారీ అంచనాలు నెలకొన్నాయి. ఈ గ్లింప్స్లో కథ నేపథ్యంలోని కొన్ని విజువల్ స్పెషల్స్, మహేష్ క్యారెక్టర్ టోన్, రాజమౌళి స్టైల్ మేకింగ్కు సంబంధించి చిన్న టీజింగ్ అప్డేట్ ఇవ్వనున్నారని టాక్. దీంతో ఫ్యాన్స్ మాత్రమే కాకుండా ఇండస్ట్రీ మొత్తం ఆగస్టు 9 కోసం ఆసక్తిగా ఎదురుచూస్తోంది.
ఇప్పటికే సోషల్ మీడియాలో మహేష్ బాబు బర్త్డే సెలబ్రేషన్స్ (Mahesh Babu Birthday Celebrations)కు సంబంధించిన హ్యాష్ట్యాగ్స్ ట్రెండింగ్లోకి వచ్చాయి. #SSMBBirthdayFest, #MaheshMania వంటి ట్యాగ్లతో ఫ్యాన్స్ భారీగా పోస్టులు షేర్ చేస్తూ జోష్ పెంచుతున్నారు. ఈ సారి మహేష్ బాబు బర్త్ డే మరింత స్పెషల్ కానుందని గట్టిగా చెబుతున్నారు. ఆగస్టు 9న మహేష్ బాబు ఇతర చిత్రాలకు సంబంధించిన ఇతర అప్డేట్స్ కూడా వచ్చే అవకాశం ఉంది. అందువల్ల మహేష్ బాబు అభిమానుల ఆనందానికి ఆ రోజు అడ్డుకట్టవేయలేం.
