అక్షరటుడే, వెబ్​డెస్క్ : Nizamabad | నిజామాబాద్ (Nizamabad)​ నగరంలో సోమవారం రాత్రి గాలివాన బీభత్సం సృష్టించింది. ఒక్కసారిగా ఈదురుగాలులు భారీ వేగంతో వీయడంతో చెట్లు విరిగి పడ్డాయి. కరెంట్​ స్తంభాలు నేలకూలడంతో నగరంలోని పలు ప్రాంతాల్లో విద్యుత్​ సరఫరాకు అంతరాయం కలిగింది. అలాగే పలుచోట్ల చెట్లు నేలకొరిగాయి. గంగాస్థాన్​లో గల ఎస్​ఆర్​ కాలేజీ (SR Junior College) సమీపంలో ఓ చెట్టు కూలి బైక్​లు ధ్వంసం అయ్యాయి. చెట్టు కరెంట్​ తీగలపై పడటంతో విద్యుత్​ స్తంభం కూడా విరిగిపోయింది.