Panchayat Elections | మూడో విడత పోలింగ్​కు సిబ్బంది కేటాయింపు

అక్షరటుడే, ఇందూరు : Panchayat Elections | తుదివిడత ఎన్నికల విధుల్లో పాల్గొనే పీవో, ఏపీవోలకు ర్యాండమైజేషన్ ద్వారా పోలింగ్ కేంద్రాలను (Polling Centers)  కేటాయించినట్లు జిల్లా ఎన్నికల అధికారి కలెక్టర్ వినయ్ కృష్ణారెడ్డి (Collector Vinay Krishna Reddy) తెలిపారు.

జిల్లా కలెక్టరేట్​లో సోమవారం ఎన్నికల పరిశీలకుడు శ్యాంప్రసాద్ లాల్ సమక్షంలో ర్యాండమైజేషన్ (Randomization) నిర్వహించారు. ఏకగ్రీవమైన వాటిని మినహాయిస్తూ, ఎన్నికలు నిర్వహించాల్సిన గ్రామ పంచాయతీలకు సంబంధించి ఒక్కో మండలం వారీగా పీవో, ఏపీవో లను పోలింగ్ కేంద్రాలకు కేటాయించారు. ఈ ప్రక్రియలో జిల్లా పంచాయతీ అధికారి శ్రీనివాస్ రావు, నోడల్ అధికారి పవన్ కుమార్, లీడ్ బ్యాంక్ మేనేజర్ సునీల్, సిబ్బంది పాల్గొన్నారు.