అక్షరటుడే, వెబ్డెస్క్ : Actress Sreeleela | యంగ్ హీరోయిన్ శ్రీలీలకి ఇటీవల ఓ ప్రమోషనల్ ఈవెంట్లో అనుకోని పరిస్థితిని ఎదుర్కొంది. కొంతమంది రాజకీయ నాయకుల వ్యాఖ్యలు ఎలా సోషల్ మీడియాలో ట్రోలింగ్కు దారి తీస్తాయో, అచ్చం అలాంటి సందర్భంలోనే ఇప్పుడు శ్రీలీల పేరు వినిపిస్తోంది. ఉద్దేశం వేరు, సందర్భం వేరు అయినప్పటికీ, ఒక చిన్న మాట ఎలా పెద్ద చర్చగా మారుతుందో ఈ సంఘటన నిరూపించింది.
శివకార్తికేయన్ హీరో (Hero Sivakarthikeyan)గా నటించిన తాజా తమిళ చిత్రం ‘పరాశక్తి’ జనవరి 10న విడుదలకు సిద్ధమవుతోంది. ఇది శ్రీలీలకు తొలి తమిళ సినిమా (Tamil Cinema) కావడంతో, ఆమెపై అక్కడి ప్రేక్షకుల్లో మంచి ఆసక్తి నెలకొంది. కాలేజీ నేపథ్యంతో తెరకెక్కిన ఈ సినిమాను ప్రమోట్ చేయడానికి చిత్ర బృందం తమిళనాడులోని ఓ కాలేజీకి వెళ్లింది. సంక్రాంతి పోటీ నేపథ్యంలో యూత్ను చేరుకోవాలన్న ఉద్దేశంతో ఈ కార్యక్రమాన్ని ఏర్పాటు చేశారు.
Actress Sreeleela | అలా బుక్కైందేంటి..
ఈ సందర్భంగా శ్రీలీల స్టూడెంట్స్తో మాట్లాడుతూ, సరదాగా ఇంటరాక్ట్ అయ్యే ప్రయత్నం చేసింది. ఆ క్రమంలో ఆమె “ఇక్కడ డాక్టర్లు ఎంత మంది ఉన్నారు?” అని అడిగింది. సాధారణంగా ఇలాంటి ప్రశ్నల్లో తప్పేమీ ఉండదు. కానీ, ఆ కాలేజీ ఒక ఆర్ట్స్ కాలేజ్ కావడంతో, అక్కడ మెడికల్ స్టూడెంట్స్ ఉండరనే విషయం ప్రేక్షకులకు వెంటనే గుర్తొచ్చింది. దీంతో ఆ ప్రశ్న సోషల్ మీడియా (Social Media)లో వైరల్గా మారి, కొంతమంది తమిళ నెటిజన్లు శ్రీలీలను ట్రోల్ చేయడం మొదలుపెట్టారు. “ఆర్ట్స్ కాలేజీలో డాక్టర్లు ఎక్కడి నుంచి వస్తారు?” అంటూ కామెంట్స్ చేయడంతో పాటు, మీమ్స్ కూడా షేర్ చేశారు. అయితే, ఆమె ఉద్దేశం విద్యార్థులతో ముచ్చటించడమే తప్ప, ఏ రకమైన అవగాహన లోపాన్ని ప్రదర్శించడమేం కాదని మరికొందరు అభిమానులు శ్రీలీలకు మద్దతుగా నిలిచారు. లైవ్ ఈవెంట్స్లో ఇలాంటి చిన్నపాటి పొరపాట్లు సహజమే అని వారు వ్యాఖ్యానిస్తున్నారు.
ఇదిలా ఉండగా, సంక్రాంతి రేసులో మరో ఆసక్తికర పరిణామం చోటుచేసుకుంది. దళపతి విజయ్ నటించిన ‘జన నాయకుడు’ (జన నాయగన్) సినిమా జనవరి 9న విడుదల కావాల్సి ఉండగా, సెన్సార్ మరియు న్యాయ సంబంధిత సమస్యల కారణంగా వాయిదా పడింది. దీంతో థియేటర్లలో పోటీ తగ్గి, ‘పరాశక్తి’ చిత్రానికి ఇది పరోక్షంగా కలిసొచ్చే అంశంగా సినీ వర్గాలు భావిస్తున్నాయి. మొత్తానికి, ఒక కాలేజీ ప్రమోషన్లో అడిగిన ప్రశ్నతో మొదలైన ఈ విషయం ఇప్పుడు సినిమా చర్చలతో పాటు సోషల్ మీడియా ట్రెండ్స్లోనూ చోటు దక్కించుకుంది. సినిమా విడుదల తర్వాత ఈ చిన్న వివాదం మరిచిపోయి, శ్రీలీల నటన గురించే ఎక్కువగా మాట్లాడతారనే నమ్మకం ఆమె అభిమానుల్లో ఉంది.
