అక్షరటుడే, వెబ్డెస్క్ : Spain Visa | స్పెయిన్ (Spain) వెళ్లాలనుకే వారికి అక్కడి ప్రభుత్వం గుడ్ న్యూస్ చెప్పింది. రూ.8 వేలకే వీసా తీసుకొచ్చింది. దీని సాయంతో అక్కడ ఏడాది పాటు ఉండొచ్చు.
స్పెయిన్ ఇటీవల డిజిటల్ నోమాడ్ వీసాను ప్రవేశ పెట్టింది. యూరోపియన్ యూనియన్ (EU) దేశాలకు చెందని వారి కోసం దీనిని అక్కడి ప్రభుత్వం తీసుకొచ్చింది. భారతీయ కరెన్సీలో రూ.8 వేలు చెల్లిస్తే చాలు వీసా లభిస్తుంది. ఈ వీసాతో ఏడాది పాటు స్పెయిన్లో ఉంటూ పని చేసుకోవచ్చు. అయితే ఇందులో ఒక కండిషన్ ఉంది. మీ సంపాదనలో కనీసం 80శాతం స్పెయిన్ బయటి నుంచి రావాలి. అంటే ఈ వీసాపై వెళ్లి స్పెయిన్లో పనిచేయడానికి కుదరదు.
Spain Visa | వీరికి అనుకూలం
ప్రస్తుతం చాలా కంపెనీలు వర్క్ ఫ్రం హోమ్ (Work From Home) ఇస్తున్నాయి. అలాగే ఫ్రీలాన్స్ వర్క్ చేసే వారు ఎక్కడి నుంచైనా పని చేసుకోవచ్చు. ఇలాంటి వారికి స్పెయిన్ వీసా ఉపయోగ పడుతుంది. ఇంటర్నేషనల్ టాలెంట్, ప్రొఫెషనల్స్, రిమోట్‌గా పనిచేసే వారిని స్పెయిన్‌కు ఆకర్షించడం కోసమే ఈ వీసా విధానాన్ని తీసుకొచ్చారు.
Spain Visa | ఎలా పొందాలంటే..
స్పెయిన్ కొత్తగా ప్రవేశ పెట్టిన వీసా కోసం భారత్ నుంచి అప్లై చేసుకోవచ్చు. అలాగే టూరిస్ట్ వీసాపై అక్కడికి వెళ్లి కూడా దరఖాస్తు చేసుకునే అవకాశం ఉంది. అయితే దరఖాస్తు చేసుకునేవారు రిమోట్‌గా పనిచేస్తున్నట్లు ప్రూఫ్ ఉండాలి. ఎలాంటి నేర చరిత్ర ఉండకూడదు. స్పానిష్ కంపెనీకి కాకుండా ఇతర సంస్థలతో పని చేస్తుండాలి. సదరు కంపెనీ కోసం కనీసం మూడు నెలలుగా పని చేస్తున్న వారు ఈ వీసా పొందడానికి అర్హులు.