అక్షరటుడే, వెబ్డెస్క్: soda | భోజనం కాస్త ఎక్కువైనా లేదా కడుపులో ఉబ్బరంగా అనిపించినా.. మనలో చాలామందికి వెంటనే గుర్తొచ్చేది ‘సోడా’ లేదా ‘కూల్ డ్రింక్’. అది తాగగానే వచ్చే ఒక పెద్ద తేపుతో కడుపు stomach తేలికపడినట్లు భ్రమపడతాం.
కానీ, ఆ తక్షణ ఉపశమనం వెనుక భయంకరమైన ఆరోగ్య ముప్పు దాగి ఉందని మీకు తెలుసా? గ్యాస్ gas సమస్యకు సోడాను మందుగా భావించడం వల్ల క్యాన్సర్ వంటి ప్రాణాంతక వ్యాధులకు మనమే ఆహ్వానం పలుకుతున్నామని వైద్య నిపుణులు హెచ్చరిస్తున్నారు.
soda | శరీర రక్షణ వ్యవస్థపై దాడి:
మన అన్నవాహిక (Food Pipe), పొట్ట కలిసే చోట ‘స్పింటర్’ అనే ఒక కండర వలయం ఉంటుంది. ఇది ఒక వన్-వే గేటులా పనిచేస్తుంది. అంటే ఆహారాన్ని పొట్టలోకి పంపిస్తుంది కానీ, పొట్టలోని యాసిడ్ను తిరిగి పైకి రాకుండా అడ్డుకుంటుంది. అయితే, మనం సోడా లేదా కార్బొనేటెడ్ పానీయాలు తాగినప్పుడు, అందులోని గ్యాస్ వల్ల ఈ స్పింటర్ కండరాలు బలహీనపడతాయి.
soda | యాసిడ్ రిఫ్లక్స్ :
సోడా వల్ల స్పింటర్ వలయం దెబ్బతింటే, పొట్టలోని తీవ్రమైన ఆమ్లాలు అన్నవాహికలోకి ప్రవేశిస్తాయి. దీనినే ‘యాసిడ్ రిఫ్లెక్స్’ అంటారు. అన్నవాహిక లోపలి పొర పొట్టలోని యాసిడ్ను భరించేంత బలంగా ఉండదు. దీనివల్ల నిరంతరం మంట కలగడమే కాకుండా, కణజాలం దెబ్బతిని ‘బ్యారెట్ ఈసోఫేగస్’ అనే స్థితికి చేరుకుంటుంది. ఇది కాలక్రమేణా అన్నవాహిక క్యాన్సర్కు దారితీయొచ్చు. గత రెండు దశాబ్దాలుగా మన దేశంలో ఈ రకమైన క్యాన్సర్ కేసులు పెరగడానికి కూల్ డ్రింక్స్ వాడకమే ప్రధాన కారణమని అధ్యయనాలు చెబుతున్నాయి.
soda | భ్రమలో బతకకండి:
చాలా మంది గుండె Heart లో మంటను లేదా చాతి నొప్పిని గ్యాస్ సమస్యగా భావించి సోడా తాగుతుంటారు. ఒకవేళ అది గుండెపోటుకు సంబంధించిన నొప్పి అయితే, సోడా తాగి కాలయాపన చేయడం వల్ల ప్రాణాల మీదకు వస్తుంది. సోడా కేవలం పొట్టలోని గ్యాస్ను బయటకు పంపి తక్షణమే ఏదో జరిగిందనే భ్రమను కలిగిస్తుంది తప్ప, అసలు గ్యాస్ ఎందుకు వస్తుందో ఆ మూల కారణాన్ని అది నయం చేయలేదు.
కడుపు ఉబ్బరంగా ఉన్నప్పుడు సహజమైన పద్ధతులు పాటించడం లేదా వైద్యులను సంప్రదించడం మేలు. నెలలు, ఏళ్ల తరబడి సోడా తాగడాన్ని అలవాటుగా మార్చుకుంటే, అది జీర్ణవ్యవస్థను పూర్తిగా నాశనం చేస్తుంది. తక్షణ ఉపశమనం కోసం చూసి, దీర్ఘకాలిక ప్రాణాపాయాన్ని కొనితెచ్చుకోకండి. ఆరోగ్యకరమైన ఆహారపు అలవాట్లే గ్యాస్ సమస్యకు అసలైన పరిష్కారం.
