అక్షరటుడే, వెబ్డెస్క్ : Snake Bite | సాధారణంగా పాములు ఎంతో ప్రమాదకరమైన జీవులు అయినా, వాటిని జాగ్రత్తగా వదిలిస్తే ఎవరికీ హాని చేయవు. తమ చుట్టూ ఉన్న పరిసరాల్లో త‌న‌కు ప్ర‌మాదం పొంచి ఉందని భావించినపుడే వాటి నుంచి స్పందన వస్తుంది.
ప్రత్యేకంగా, పాములకు (Snakes) ముఖ భాగంలో ఉన్న సెన్సింగ్ సిస్టమ్ ద్వారా అవి శత్రువులను గుర్తించగలవు. అవసరమైతే బుసలు కొట్టడం, లేదా కాటేయడం ద్వారా తమను తాము కాపాడుకుంటాయి. ఇలాంటి పాముల ప్రవర్తనపై ఇటీవల ఓ ఆసక్తికర వీడియో సోషల్ మీడియాలో తెగ వైరల్ (Viral Video) అవుతోంది. ఈ వీడియోలో ఓ వ్యక్తి పాముపై వినూత్న ప్రయోగం చేశాడు. ఆ వీడియో మిలియన్ల వ్యూస్‌ను దక్కించుకుంది.
Snake Bite | వినూత్న ప్రయోగం..
వీడియోలో ఓ స్నేక్ క్యాచర్ పాము ముందుగా ఉండి దాని ప్రవర్తనను గమనించాడు. అతడిని చూసిన పాము తన పడగ విప్పి బుసలు కొడుతూ హెచ్చరించిందంతే కానీ కాటేయలేదు. ఆ తర్వాత, సదరు వ్యక్తి పాముకు ఎదురుగా ఓ అద్దం ఉంచాడు . పాము ఎలా స్పందిస్తుందో తెలుసుకోవాల‌ని అనుకున్నాడు. అయితే పాము అద్దంలో తన ప్రతిబింబాన్ని చూసి దానిపై బుసలు కొడుతూ ఒక్కసారిగా కాటేసింది. అద్దంలో (Mirror) కనిపిస్తున్నది మరో పాముగా భావించి దాన్ని శత్రువుగా ఊహించి స్పందించిందని భావిస్తున్నారు. మళ్లీ మళ్లీ అద్దాన్ని చూపించినప్పటికీ పాము అదే రీతిలో ఆగ్రహంగా బుసలు కొడుతూ దానిపై దాడి చేసింది.
ఈ వీడియో సోషల్ మీడియాలో తెగ వైరల్ అవుతోంది. ఇప్పటివరకు 11.5 మిలియన్లకు పైగా వ్యూస్, 82 వేలకుపైగా లైక్స్‌ను సాధించింది. దీనిపై నెటిజన్ల నుంచి రకరకాల కామెంట్లు వస్తున్నాయి. తననే చూసుకుని భయపడిన పాము భలే రియాక్ట్ అయిందిగా, ఇది చూశాక నాకు నవ్వు ఆగడం లేదు, స్నేక్ క్యాచర్ (Snake Catcher) ఆలోచన క్రియేటివ్‌గా ఉంది అంటూ పలువురు కామెంట్లు చేస్తున్నారు. ఈ వీడియో మనకు ఓ విషయాన్ని స్పష్టం చేస్తుంది. పాముల లాంటి జీవాలు తమ పరిసరాలపై ఎంతో స్పష్టమైన అవగాహన కలిగి ఉంటాయి. అవి మనపై కావాల‌ని దాడి చేయవు. తమకు ముప్పు వస్తోందని భావించి అలా ప్రవర్తిస్తాయి. ఇలాంటి ప్రయోగాలు జంతువుల ప్రవర్తనపై అవగాహన పెంచడంలో సహాయపడతాయి కానీ, వాటిని జాగ్రత్తగా, బాధ పెట్టకుండా పరిశీలించాల్సిన అవసరం ఉంది.
View this post on Instagram
