అక్షరటుడే, వెబ్డెస్క్ : Silver Price | వెండి ధరలు ఆకాశాన్ని అంటుతున్నాయి. రాకెట్ వేగంతో ధరలు పెరుగుతుండటంతో ప్రజలు ఆందోళన చెందుతున్నారు. కొంతకాలంగా బంగారం, వెండి ధరలు (Silver Rates) భారీగా పెరగడంతో ఎలా కొనాలని ఆలోచిస్తున్నారు.
దేశవ్యాప్తంగా ఈ ఏడాది బంగారం, వెండి ధరలు భారీగా పెరిగాయి. అయితే బంగారం (Gold Price)తో పోలిస్తే సిల్వర్ రేట్లు పెరగడం గమనార్హం. ప్రపంచ వ్యాప్తంగా కొనసాగుతున్న అనిశ్చితులు, ఆర్థిక పరిస్థితులు, ద్రవ్యోల్బణం నేపథ్యంలో మదుపరులు సురక్షిత పెట్టుబడి సాధనలైన బంగారం, వెండి వైపు మొగ్గు చూపుతున్నారు. దీంతో రేట్లు పెరుగుతున్నాయి. మరోవైపు డాలర్తో రూపాయి విలువ పడిపోవడంతో ఇటీవల రేట్లు ఆకాశాన్ని అంటాయి.
Silver Price | 118శాతం పెరుగుదల
ఈ ఏడాది వెండి ధరలు ఏకంగా 118శాతం పెరగడం గమనార్హం. బంగారం ధరలు (Gold Rates) భారీగా పెరగడంతో చాలా మంది చిన్న ఇన్వెస్టర్లు, ప్రజలు వెండిని కొనుగోలు చేస్తున్నారు. దీంతో ఈ లోహం ధరలకు రెక్కలు వచ్చాయి. బుధవారం వెండి ధర ఏకంగా కిలోకు రూ.11 వేలు పెరిగింది. దీంతో కిలో వెండి ప్రస్తుతం రూ.2,22,000కు చేరుకుంది. రానున్న రోజుల్లో వెండి ధరలు మరింత పెరుగుతాయని ఆర్థిక నిపుణులు అంటున్నారు. కిలో రూ.2.50 లక్షలకు చేరే అవకాశం ఉందని చెబుతున్నారు. రేట్లు పెరుగుతండటంతో ప్రజలు బంగారం, వెండి కొనుగోలు చేయడానికి ఆలోచిస్తున్నారు.
