అక్షరటుడే, నిజామాబాద్ సిటీ: Vinayaka Chavithi | వినాయక నిమజ్జనానికి సంబంధించి జిల్లాకేంద్రంలో ఏర్పాట్లు చురుకుగా సాగుతున్నాయి. ఈ మేరకు గణేష్​ ఉత్సవాలకు సంబంధించి ఏర్పాట్లను గురువారం ప్రభుత్వ సలహాదారు షబ్బీర్​ అలీ (Shabbir Ali) పరిశీలించారు.

వివిధ శాఖల అధికారులతో కలిసి నగరంలోని వినాయక్​ నగర్​లో (Vinayak Nagar) ఉన్న గణేష్ నిమజ్జన బావిని పరిశీలించారు. బావి ప్రాంతంలో కట్టుదిట్టమైన ఏర్పాట్లు చేయాలని భక్తులకు ఎలాంటి అసౌకర్యం కలుగకుండా మున్సిపల్​ సిబ్బంది, పోలీసులు పర్యవేక్షణ చేయాలని ఆయన ఆదేశాలు జారీ చేశారు. గణేష్ నిమజ్జనం జరిగే ప్రధాన రహదారులను పరిశీలించారు. ఆయన వెంట వ్యవసాయ కమిషన్ (Agricultural Commission)​ సభ్యుడు గడుగు గంగాధర్, నుడా (NUDA) ఛైర్మన్ కేశ వేణు, కాంగ్రెస్​ సీనియర్​ నాయకుడు రత్నాకర్, ఖుద్దుస్ తదితరులున్నారు.