అక్షరటుడే, వెబ్డెస్క్ : SBI Clerk Results | ఎస్బీఐ క్లర్క్(SBI Clerk) ఉద్యోగాల భర్తీ కోసం నిర్వహించిన మెయిన్స్ పరీక్ష(Mains Exams) ఫలితాలు విడుదలయ్యాయి. దేశంలోనే అతిపెద్ద ప్రభుత్వ రంగ బ్యాంకు ఎస్బీఐ(SBI)లో క్లర్క్ ఉద్యోగాల కోసం ఏప్రిల్‌ 10, 12 తేదీల్లో మెయిన్స్ పరీక్షలు నిర్వహించారు. వీటి ఫలితాలను బుధవారం విడుదల చేశారు. మెయిన్స్లో ప్రతిభ చూపి ప్రాథమికంగా పోస్టులకు ఎంపికైన అభ్యర్థుల జాబితాను వెబ్సైట్లో విడుదల చేశారు.
ఎస్బీఐలో మొత్తం 13,735 జూనియర్‌ అసోసియేట్స్‌(కస్టమర్‌ సపోర్టు & సేల్స్‌) ఉద్యోగాల భర్తీకి గతేడాది డిసెంబర్‌ 17 నుంచి ఈ ఏడాది జనవరి 7వరకు దరఖాస్తులు స్వీకరించారు. ఫిబ్రవరి 22 నుంచి మార్చి 1 వరకు ప్రిలిమ్స్‌ పరీక్షలు జరిగాయి. వీటిలో ప్రతిభ చూపిన వారిని మెయిన్స్కు ఎంపిక చేశారు. వారికి ఏప్రిల్‌ 10, 12 తేదీల్లో పరీక్ష నిర్వహించగా.. తాజాగా ఫలితాలు విడుదల చేశారు.
