Peddakodapgal | ఎమ్మెల్యేను కలిసిన సర్పంచ్​ అభ్యర్థి

అక్షరటుడే, ఎల్లారెడ్డి : Peddakodapgal | జుక్కల్​ ఎమ్మెల్యే తోట లక్ష్మీకాంతారావును (Jukkal MLA Thota Lakshmi Kanta Rao) కుభ్యనాయక్ తండా సర్పంచ్​ అభ్యర్థి కలిశారు. జుక్కల్ నియోజకవర్గం (Jukkal constituency) పెద్దకొడప్​గల్​ మండలం కుభ్యనాయక్ తండాలో సర్పంచ్​గా గాయత్రి గోవింద్​ను ఎన్నుకోవాలని గ్రామస్థులు తీర్మానం చేశారు.

పిట్లం మండలంలోని సాయి గార్డెన్ ఫంక్షన్ హాల్​లో డీసీసీ అధ్యక్షుడు ఏలే మల్లికార్జున్ (DCC President Ele Mallikarjun) సన్మాన సభ శుక్రవారం నిర్వహించారు. ఈ కార్యక్రమానికి ఎమ్మెల్యే ముఖ్య అతిథిగా హాజరయ్యారు. తనను ఏకగ్రీవంగా ఎన్నుకోవాలని తండా వాసులు తీర్మానం చేసిన నేపథ్యంలో సర్పంచ్​ అభ్యర్థి గాయత్రి ఎమ్మెల్యేను మర్యాదపూర్వకంగా కలిశారు. కుభ్యనాయక్ తండా ప్రజలు సర్పంచ్​ను ఏకగ్రీవంగా ఎన్నుకోవాలని తీర్మానం చేయడంపై ఆయన హర్షం వ్యక్తం చేశారు.