అక్షరటుడే, వెబ్డెస్క్: Sandalwood | ఆయుర్వేదంలో అగ్రస్థానం పొందిన గంధం (Sandalwood) చర్మ సంరక్షణకు అత్యంత ముఖ్యమైన దివ్యౌషధం. ముఖంపై మొటిమలు, నల్ల మచ్చలు తగ్గడానికి, చర్మం తళతళా మెరవడానికి గంధాన్ని తరచుగా ఉపయోగిస్తారు. గంధం పొడి, పేస్ట్ లేదా నూనె రూపంలో లభిస్తుంది. ఈ ప్రకృతి సహజసిద్ధమైన పదార్థం చర్మాన్ని లోతుగా సంరక్షించి, ఆరోగ్యంగా ఉంచుతుందని సౌందర్య నిపుణులు చెబుతున్నారు. ఈ గంధం Sandalwood ఉపయోగించడం వల్ల ముఖ్యంగా ఐదు ప్రధాన చర్మ సమస్యలు ఎలా దూరమవుతాయో వివరంగా తెలుసుకుందాం.
మొటిమలు దూరం: Sandalwood |గంధానికి చర్మ అలర్జీలను నివారించే గుణం ఉంది. ఇది చర్మాన్ని అలర్జీల నుంచి రక్షించి, మొటిమలను సమర్థవంతంగా దూరం చేస్తుంది. మొటిమలు, నల్లమచ్చలు తగ్గడానికి ఒక అద్భుతమైన ప్యాక్ ఉంది. ఒక టీస్పూన్ గంధం నూనె, చిటికెడు పసుపు, కొద్దిగా కర్పూరం కలిపి ముఖానికి రాసుకోవాలి. రాత్రంతా అలాగే ఉంచి, ఉదయాన్నే గోరువెచ్చని నీటితో కడిగితే మొటిమలు త్వరగా పోతాయి.
చర్మం మెరుపు: గంధంలోని తేలికపాటి ఎక్స్ఫోలియేటింగ్ లక్షణాలు చర్మాన్ని లోపలి నుంచి శుభ్రం చేసి మెరిసేలా చేస్తాయి. ఇది చర్మంపై ఏర్పడిన నల్ల మచ్చలను పోగొట్టడానికి, టాన్ (నలుపు) తొలగించడానికి చాలా సమర్థవంతంగా పనిచేస్తుంది. ఇందుకోసం, ఒక టేబుల్ స్పూన్ గంధం పొడిని కొబ్బరి నూనెలో కలపాలి. ఈ మిశ్రమాన్ని ముఖానికి పూసుకుని మసాజ్ చేసి రాత్రంతా ఉంచడం వల్ల డార్క్ స్పాట్స్ తగ్గి, ముఖం తళతళా మెరుస్తుంది.
వృద్ధాప్యానికి చెక్: గంధపు చెక్కలో యాంటీఆక్సిడెంట్లు పుష్కలంగా ఉంటాయి. ఇవి చర్మానికి నష్టం కలిగించే ఫ్రీ రాడికల్స్తో పోరాడటానికి సహాయపడతాయి. తద్వారా చర్మ ముడతలు రాకుండా నివారించి, వృద్ధాప్య ఛాయలను ఆలస్యం చేస్తాయి. చర్మం మరింత కాంతివంతంగా, యవ్వనంగా కనిపించేలా చేస్తుంది. ఈ ప్రయోజనం కోసం, రెండు టేబుల్ స్పూన్ల ముల్తానీ మట్టి, రెండు టేబుల్ స్పూన్ల గంధం కలిపి పేస్ట్ లాగా రాయాలి. 15-20 నిమిషాల తర్వాత నీటితో శుభ్రం చేసుకుంటే చాలు.
Sandalwood | పొడి, జిడ్డు నివారణ:
- పొడి చర్మంతో బాధపడేవారు పాలపొడి (1 tbsp), గంధం నూనె (కొన్ని చుక్కలు), రోజ్ వాటర్ కలిపి ప్యాక్ వేసుకుంటే చర్మం నిగారింపుగా మారుతుంది.
- జిడ్డుగల చర్మం ఉన్నవారికి గంధం ఒక దివ్య ఔషధం. జిడ్డు చర్మంపై పేరుకున్న ధూళిని తొలగించడానికి అర టీస్పూన్ గంధం పొడి, టమోటా రసం, అర టీస్పూన్ ముల్తానీ మట్టి కలిపి 15 నిమిషాలు ఉంచి శుభ్రం చేసుకుంటే చర్మం మెరుస్తుంది.
