Nizamabad City | స.హ. చట్టాన్ని తప్పకుండా అమలు చేయాలి

అక్షరటుడే, ఇందూరు: Nizamabad City | సమాచార హక్కు చట్టాన్ని తప్పకుండా అమలు చేయాలని నిజామాబాద్ ఉత్తర మండల తహశీల్దార్​ విజయ్​కాంత్​రావు (Tahsildar Vijaykanth Rao) పేర్కొన్నారు. సమాచార హక్కు చట్టం వారోత్సవాల్లో భాగంగా శుక్రవారం ఉత్తర తహశీల్దార్​ కార్యాలయంలో (Tahsildar office) అవగాహన సదస్సు నిర్వహించారు.

ఈ సందర్భంగా తహశీల్దార్​ మాట్లాడుతూ.. దరఖాస్తుదారులు అడిగిన సమాచారం ఇచ్చే బాధ్యత మనదేనన్నారు. నిర్ణీత సమయంలో సమాచారం ఇచ్చే విధంగా సిబ్బంది చూడాలన్నారు. చట్టంపై ఉద్యోగులందరూ పూర్తి అవగాహన కలిగి ఉండాలని పేర్కొన్నారు. నిబంధనల ప్రకారం సహకరించాలని కోరారు. కార్యక్రమంలో గిర్దావర్​ ప్రభాకర్, శ్యామ్యూల్, సీనియర్ సహాయకులు లత, లేఖ, తదితరులు పాల్గొన్నారు.