అక్షరటుడే, వెబ్డెస్క్ : Russia | భారత్కు రష్యా (Russia) మరో బంపర్ ఆఫర్ ఇచ్చింది. తన ఐదవ తరం స్టెల్త్ ఫైటర్ జెట్ Su-57E ను భారతదేశానికి సరఫరా చేయడానికి ముందుకు వచ్చింది. ఈ మేరకు ఆ దేశం భారత్ ముందు ప్రతిపాదన ఉంచింది. అంతేగాకుండా ఆ విమానాలను భారత్లో తయారు చేసుకోవడానికి అనువుగా సాంకేతికత బదిలీ చేయడానికి కూడా ముందుకు వచ్చింది. అలాగే సుకోయ్ 30 అప్గ్రేడ్ చేయడానికి ఓకే చెప్పింది.
భారత్కు రష్యా మిత్రదేశం. ఎన్నో ఏళ్లుగా రెండు దేశాల మధ్య మిత్రుత్వం నడుస్తోంది. ఈ క్రమంలో గతంలో కూడా రష్యా భారత్కు అనేక ఆయుధాలు సరఫరా చేసింది. తాజాగా ఆపరేషన్ సిందూర్ (Operation Sindoor) సమయంలో పాక్ దాడులను తిప్పికొట్టిన ఎస్–400 సిస్టమ్ (S-400) కూడా రష్యా నుంచి కొనుగోలు చేసిందే.
Russia | ఆధునిక విమానాలు
భారత్ వద్ద ప్రస్తుతం రష్యా నుంచి కొనుగోలు చేసిన సుకోయి 30(su-30) విమానాలు ఉన్నాయి. ఇవి పాత తరానికి చెందినవి. దీంతో భారత్ ఫ్రాన్స్ నుంచి రాఫెల్ యుద్ధ విమానాలను (Rafale fighter jets) కోనుగోలు చేసింది. అత్యంత ఆధునిక యుద్ధ విమానాల్లో రాఫెల్ ముందు వరుసలో ఉన్నాయి. అయితే రష్యా కూడా ఆధునిక యుద్ధ విమానాలు తయారు చేసింది. Su-57E భారతదేశ సూపర్-30 జెట్‌ల కోసం ప్రణాళిక చేయబడిన కీలక సాంకేతికతలను కలిగి ఉంటుంది.
రష్యా తన విమానాల సాంకేతికను భారత్ అందించి హిందుస్తాన్ ఏరోనాటిక్స్ లిమిటెడ్(HAL) ఆధ్వర్యంలో ఉత్పత్తి చేయాలని భావిస్తోంది. Su-57E విమానాలు అమెరికాకు చెందిన US F-35 కంటే తక్కువ అధునాతనమైనవిగా పరిగణిస్తున్నా.. ప్రస్తుతం ఉన్న యుద్ధ విమానాల్లో మెరుగైనవి. ఇవి భారత్కు చేరితే భారత వైమానిక దళం మరింత పటిష్టం కానుంది. MiG-21ల వంటి పాత విమానాలను ప్రస్తుతం ఐఏఎఫ్ వదిలించుకుంటుంది. తేజస్ వంటి స్వదేశీ ప్లాట్‌ఫారమ్‌ల డెలివరీలో జాప్యం కారణంగా IAF తక్కువ ఫైటర్ స్క్వాడ్రన్ బలంతో పోరాడుతున్న సమయంలో Su-57E ప్రతిపాదన రావడం గమనార్హం.
