అక్షరటుడే, వెబ్డెస్క్ : ACB Raids | హైదరాబాద్లోని ఇబ్రహీంబాగ్లో గల టీజీఎన్పీడీసీఎల్ (TGNPDCL)లో సహాయక డివిజనల్ ఇంజినీరు (ఆపరేషన్స్) ఇరుగు అంబేడ్కర్ (ADE Ambedkar)ను ఏసీబీ అధికారులు అరెస్ట్ చేసిన విషయం తెలిసిందే.
ఆదాయానికి మించిన ఆస్తులు కలిగి ఉన్నారనే ఆరోపణలతో ఏడీఈతో పాటు ఆయన బంధువులు, బినామీల ఇళ్లలో మంగళవారం ఏసీబీ దాడులు (ACB Raids) చేపట్టింది. 11 ప్రదేశాలలో సోదాలు చేపట్టారు. ఏకకాలంలో తనిఖీలు చేపట్టిన అధికారులు అంబేడ్కర్ భారీగా అక్రమ ఆస్తులు కూడబెట్టినట్లు గుర్తించారు. బుధవారం సైతం ఆయన బినామీల ఇళ్లలో తనిఖీలు కొనసాగాయి.
ACB Raids | బాత్రూంలో నోట్ల కట్టలు
చేవెళ్ల విద్యుత్ ఏడీ రాజేష్ (Chevella AD Rajesh) ఇంట్లో ఏసీబీ అధికారులు తనిఖీలు చేపట్టారు. ఏడీఈ అంబేద్కర్కు రాజేష్ బినామీగా ఉన్నారు. ఆయన ఇంట్లోని బాత్రూమ్లో రూ.20 లక్షలు దొరికాయి. దీంతో అధికారులు నగదు స్వాధీనం చేసుకున్నారు. ఇంటి మొత్తాన్ని తనిఖీ చేస్తున్నారు.
ACB Raids | 14 రోజుల రిమాండ్
ఏడీఈ అంబేడ్కర్ను మంగళవారం అధికారులు అరెస్ట్ చేశారు. బుధవారం ఉదయం ఆయనను నాంపల్లి ఏసీబీ కోర్టు (Nampalli ACB Court)లో హాజరు పర్చారు. ఏడీఈకి జడ్జి 14 రోజుల రిమాండ్ విధించారు. దీంతో అధికారులు ఆయనను చంచల్గూడ జైలుకు తరలించారు. కాగా ఏడీఈ రూ.300 కోట్లకు పైగా అక్రమాస్తులు కూడబెట్టినట్లు అధికారులు గుర్తించిన విషయం తెలిసిందే. ఇందులో హైదరాబాద్లో ఆరు ప్లాట్లు, ఒక ఇళ్లు, ఒక ఐదంతస్తుల భవనం, వెయ్యి గజాల స్థలం, సూర్యాపేట జిల్లాలో పదెకరాల భూమి ఉన్నాయి. అంతేగాకుండా ఆయన బంధువు ఇంట్లో ఏకంగా రూ.రెండు కోట్ల నగదును ఏసీబీ అధికారులు స్వాధీనం చేసుకున్నారు.
