అక్షరటుడే, వెబ్డెస్క్ : Cyber Fraud | అవకాడోల డెలివరీ పేరిట సైబర్ నేరగాళ్లు cyber criminals ఓ యువకుడి నుంచి రూ.2.60 లక్షలు కాజేశారు. హైదరాబాద్ hyderabadకు చెందిన ఓ వ్యక్తి అవకాడోల కోసం ఆన్లైన్లో సెర్చ్ చేశాడు.
దీంతో డోర్ డెలివరీ చేస్తామని ఓ వ్యక్తి విజయవాడ vijayawada బాలాజీ ట్రేడర్స్ పేరిట ఆర్డర్ తీసుకున్నాడు. తర్వాతి రోజు సదరు వ్యక్తి ఫోన్ చేసి డెలివరి వాహనం మీ ఇంటి దగ్గర చెడిపోయిందని చెప్పాడు. మరమ్మతుల కోసం డబ్బు పంపాలని, డెలివరీ సమయంలో తిరిగి ఇస్తామని నమ్మించాడు. దీంతో బాధిత విద్యార్థి మరింత డబ్బు పంపాడు. మరోసారి ఫోన్ చేసి ఈ సారి పోలీసులు వాహనాన్ని పట్టుకున్నారని, విడిపించడానికి డబ్బు కావాలని ఫోన్ చేశారు. దీంతో మళ్లీ డబ్బు పంపాడు. ఇలా విడతల వారీగా రూ.2.6 లక్షలు వారి ఖాతాకు పంపించాడు. అనంతరం అవకాడోలు డెలివరీ కాకపోగా, వారి నుంచి స్పందన లేకపోవడంతో మోసపోయానని గ్రహించి పోలీసులను ఆశ్రయించారు. ఈ మేరకు కేసు నమోదు చేసిన పోలీసులు దర్యాప్తు చేస్తున్నారు.