అక్షరటుడే, నిజామాబాద్ సిటీ: Riyaz encounter | నిజామాబాద్ సీసీఎస్ కానిస్టేబుల్ ప్రమోద్ను హతమార్చిన కేసులో రౌడీ షీటర్ రియాజ్ను పోలీసులు ఎన్కౌంటర్ చేసిన విషయం తెలిసిందే. అయితే ఘటనపై నిజామాబాద్ సీపీ సాయిచైతన్య కీలక విషయాలు వెల్లడించారు.
ఆయన తెలిపిన వివరాల ప్రకారం.. సోమవారం ఉదయం రెగ్యులర్ చెకప్లో భాగంగా విధుల్లో ఉన్న ఆర్ఐ వార్డు వద్దకు వెళ్లగా.. తలుపు, అద్దం పగులగొడుతున్న శబ్దం వినిపించింది. దీంతో వెంటనే సిబ్బందికి సమాచారం ఇవ్వగా.. ఆర్ఐతో పాటు ఎస్సై, కానిస్టేబుల్ వార్డులోకి వెళ్లారు. రియాజ్ హంగామా సృష్టిస్తుండడంతో అతడిని బెడ్ వద్దకు తీసుకెళ్లే క్రమంలో నిందితుడు కానిస్టేబుల్ వద్దనున్న తుపాకీని లాక్కుని ట్రిగ్గర్ నొక్కే ప్రయత్నం చేశాడు. ఆర్ఐ వారిస్తున్నా వినిపించుకోకుండా ట్రిగ్గర్ నొక్కాడు. తప్పనిసరి పరిస్థితుల్లో ఆర్ఐ రియాజ్పై కాల్పులు జరిపాడు. దీంతో నిందితుడు కుప్పకూలిపోయాడని సీపీ తెలిపారు. ఘటనపై దర్యాప్తు కొనసాగుతోందని వివరించారు. నిబంధనల ప్రకారం ఫార్మాలిటీస్ నిర్వహిస్తున్నట్లు చెప్పారు.
కాగా.. రియాజ్ చేసిన దాడిలో ఆసిఫ్ అనే వ్యక్తికి గాయాలైన విషయం తెలిసిందే. బాధితుడిని మెరుగైన చికిత్స నిమిత్తం హైదరాబాద్కు తరలించినట్లు సీపీ తెలిపారు.
