Former MLA Jeevan Reddy | సుప్రీంలో మాజీ ఎమ్మెల్యే జీవన్‌రెడ్డికి ఊరట

అక్షరటుడే, వెబ్​డెస్క్:Former MLA Jeevan Reddy | బీఆర్​ఎస్(BRS)​ నిజామాబాద్​ జిల్లా అధ్యక్షుడు, ఆర్మూర్​ మాజీ ఎమ్మెల్యే జీవన్​రెడ్డి(Former MLA from Armur Jeevan Reddy)కి సుప్రీం కోర్టులో ఊరట లభించింది. తన భూమిని ఆక్రమించి బెదిరించారంటూ జీవన్​రెడ్డిపై సామ దామోదర్‌రెడ్డి అనే వ్యక్తి పోలీసులకు ఫిర్యాదు చేశారు. 2016లో తన భూమిని తీసుకుని అభివృద్ధి చేస్తానంటూ ఒప్పందం కుదుర్చుకున్న జీవన్​రెడ్డి.. అభివృద్ధి చేయలేదని, డబ్బులు కూడా ఇవ్వలేదని ఆయన ఫిర్యాదులో పేర్కొన్నారు. అంతేగాకుండా తన భూమిలోకి వెళ్లనివ్వడం లేదన్నారు. దీంతో జీవన్​రెడ్డిపై చేవెళ్ల పోలీసులు(Police) కేసు నమోదు చేశారు. ఈ కేసులో తనతో పాటు, కుటుంబ సభ్యులను అరెస్ట్​ చేయకుండా ముందస్తు బెయిల్​ ఇవ్వాలని సుప్రీంకోర్టు(Supreme Court)ను ఆశ్రయించారు. ఈ పిటిషన్​ను బుధవారం విచారించిన దేశ అత్యున్నత న్యాయస్థానం ఆయనకు బెయిల్​ మంజూరు చేసింది. కేసులో పోలీసులకు సహకరించాలని ఆదేశించింది.