అక్షరటుడే, వెబ్డెస్క్ : Registration Department | అక్రమ రిజిస్ట్రేషన్లలకు (illegal registrations) అడ్డుకట్ట వేసేందుకు ప్రభుత్వం ఎన్ని చర్యలు తీసుకుంటున్నా ప్రయోజనం ఉండటం లేదు. ప్రత్యేకించి పలువురు సబ్ రిజిస్ట్రార్లు అక్రమార్కులకు సహకారం అందిస్తుండటమే ఇందుకు కారణం. ముఖ్యంగా నకిలీ ఫ్యామిలీ మెంబర్ సర్టిఫికెట్ (fake family member certificates), డెత్ సర్టిఫికెట్లతో కొందరు డాక్యుమెంట్లు సృష్టిస్తున్నారు. పక్కాగా పరిశీలన చేసి ఇలాంటి రిజిస్ట్రేషన్లకు చెక్ పెట్టాల్సిన అధికారులే.. డబ్బులు తీసుకొని డాక్యుమెంట్లకు అనుమతించడంపై విమర్శలు వస్తున్నాయి.
నిజామాదాద్ అర్బన్ రిజిస్ట్రేషన్ కార్యాలయం (Nizamabad Urban Registration Office) పరిధిలో తాజాగా నకిలీ ఎఫ్ఎంసీ, డెత్ సర్టిఫికెట్లతో రిజిస్ట్రేషన్లు జరిపినా ఉదంతం వెలుగులోకి వచ్చింది. రెవెన్యూ అధికారుల సంతకాలను ఫోర్జరీ (Forgery signatures) చేసి ఫ్యామిలీ మెంబర్ సర్టిఫికెట్లు సృష్టించి డాక్యుమెంట్లు తయారు చేశారు. కాగా.. సదరు సబ్ రిజిస్ట్రార్ పరిశీలన చేయకుండానే రిజిస్ట్రేషన్ ప్రక్రియ పూర్తి చేసినట్లు తెలుస్తోంది. ఈ విషయమై ఓ బాధిత కుటుంబం తాజాగా అధికారులకు ఫిర్యాదు చేసింది.
Registration Department | ఈ రెండు ఉదాహరణలు
గత 15 రోజుల కిందట అర్సపల్లి శివారులో గల 300 గజాల స్థలానికి సంబంధించి ఓ రిజిస్ట్రేషన్ జరిగింది. కాగా సదరు డాక్యుమెంట్లో సమర్పించిన ఎఫ్ఎంసీ నకిలీది ఉన్నట్లు ఉన్నట్లు సమాచారం. ఖరీదైన స్థలాన్ని తమ పేరిట మార్చుకునేందుకు ఇలా దొడ్డిదారిలో నకిలీ ఎఫ్ఎంసీని సమర్పించారని తెలుస్తోంది. అలాగే వర్ని రోడ్డులోని మరో 500 గజాల ప్రాపర్టీకి సంబంధించి నెల రోజుల కిందట రిజిస్ట్రేషన్ ప్రక్రియ (registration process) పూర్తయింది. ఈ దస్తావేజుకు ఏకంగా నకిలీ ఎఫ్ఎంసీ, డెత్ సర్టిఫికెట్ (fake FMC and death certificate) జత చేసినట్లు సమాచారం. అయినప్పటికి ఇవేమీ లెక్క చేయకుండా సదరు సబ్ రిజిస్ట్రార్ రిజిస్ట్రేషన్ ప్రక్రియ పూర్తి చేసి పెట్టడం కొసమెరుపు. ఇలాంటి రిజిస్ట్రేషన్లు ఎన్నో జరిగాయని తెలుస్తోంది.
Registration Department | నకిలీలను సృష్టిస్తుంది ఎవరు
సాధారణంగా ఫ్యామిలీ నంబర్ సర్టిఫికెట్ (family number certificate) తీసుకోవాలంటే ఓ ప్రక్రియ ఉంటుంది. ఇందుకోసం రెవెన్యూ శాఖ అధికారులు (revenue department officials) పరిశీలన జరిపి అన్ని పక్కాగా ఉంటేనే సర్టిఫికెట్ జారీకి అనుమతి ఇస్తారు. ఈ క్రమంలో కొందరు దొడ్డిదారిలో సర్టిఫికెట్లు పొందేందుకు నకిలీలు తయారు చేసే ముఠాలను ఆశ్రయిస్తున్నట్లు తెలుస్తోంది. ఇందులో పలువురు డాక్యుమెంట్ రైటర్లు ప్రధాన పాత్ర పోషిస్తున్నారు. గతంలోనే ఫ్యామిలీ మెంబర్, డెత్ సర్టిఫికెట్లు తీసుకున్నట్లు నకిలీవి సృష్టిస్తున్నారు. వీటి ద్వారా రిజిస్ట్రేషన్లు చేసుకుంటున్నారు. అయినా సబ్ రిజిస్ట్రారర్లు ఇవేమి పట్టించుకోకుండా రిజిస్టరేషన్లు పూర్తి చేయడంపై పలువురు అనుమానం వ్యక్తం చేస్తున్నారు.
