అక్షరటుడే, వెబ్డెస్క్: Telangana BJP President | తెలంగాణ బీజేపీ అధ్యక్ష పదవి భర్తీకి నోటిఫికేషన్ (notification) వచ్చిన విషయం తెలిసిందే. పార్టీ రాష్ట్ర కార్యాలయంలో నామినేషన్ల ప్రక్రియ కొనసాగుతోంది. ఈ నేపథ్యంలో పార్టీ నేత రాంచందర్రావును (Ramchandra Rao) అధ్యక్ష పదవికి ఎంపిక చేసినట్లు సమాచారం. ఈ క్రమంలో తెలంగాణ బీజేపీ అధ్యక్ష పదవికి ఆయన నామినేషన్ దాఖలు చేశారు. రెండు సెట్ల నామినేషన్లు వేశారు.
Telangana BJP President | చాలా పెద్ద బాధ్యత అప్పగించారు
నామినేషన్ (nomination) దాఖలు ముందుకు రాంచందర్ రావు మాట్లాడుతూ 40 ఏళ్లుగా పార్టీలో పనిచేస్తున్నానని తెలిపారు. అన్ని వర్గాల ప్రజలతో సత్సంబంధాలు ఉన్నాయన్నారు. పార్టీ అధిష్టానం (party high command) నాకు చాలా పెద్ద బాధ్యత అప్పగించిందని వ్యాఖ్యానించారు. నా ముందు ఎన్నో సవాళ్లు ఉన్నాయని పేర్కొన్నారు. స్థానిక సంస్థల ఎన్నికలు రాబోతున్నాయని.. అందరితో సమన్వయం చేసుకుని ముందుకు సాగుతానన్నారు. బీఆర్ఎస్ (BRS), కాంగ్రెస్ (Congress) పాలనతో ప్రజలు విసిగిపోయారని పేర్కొన్నారు. బీజేపీ అధికారంలోకి రావాలని కోరుకుంటున్నారని చెప్పారు. పార్టీ గెలుపుకోసం శాయశక్తులా కృషి చేస్తానని తెలిపారు. ఇందుకోసం నేతలందరితో కలిసి పనిచేస్తానన్నారు. బీజేపీని అధికారంలోకి తెచ్చేలా కృషి చేస్తామని స్పష్టం చేశారు.
