అక్షరటుడే, వెబ్​డెస్క్​: Telangana Chief secretary | తెలంగాణ ప్రభుత్వ కొత్త ఛీఫ్ సెక్రెటరీగా (Telanagana new CS) సీనియర్​ ఐఏఎస్​ అధికారి కె.రామకృష్ణరావు (Ramakrishana rao) నియమితులయ్యారు. ఈ మేరకు ప్రభుత్వం ఆదివారం ఉత్తర్వులు జారీ చేసింది.

ప్రస్తుతం ఉన్న శాంతి కుమారి(Cs Shanti kumari) ఈ నెల 30న పదవీ విరమణ చేయనున్నారు. ఈ నేపథ్యంలో నూతన సీఎస్​ ఎంపికపై సీఎం రేవంత్​ రెడ్డి(Cm revanth reddy) కొద్దిరోజులుగా కసరత్తు జరిపారు. జపాన్​ పర్యటన ముగించి తిరిగిన రాష్ట్రానికి వచ్చిన అనంతరం ఆయన సీఎస్​ ఎంపిక కోసం పలువురి పేర్లను పరిశీలించారు. ఎట్టకేలకు 1991 బ్యాచ్​కు చెందిన రామకృష్ణారావు నూతన సీఎస్​(New CS telangana)గా ఎంపిక చేస్తూ నిర్ణయం తీసుకున్నారు. కాగా.. ఈ మేరకు ప్రభుత్వం ఉత్తర్వులు జారీ చేసింది. ప్రస్తుతం ఆయన రాష్ట్ర ఆర్థిక శాఖ ముఖ్య కార్యదర్శిగా ఉన్నారు. ఈయనకు రాష్ట్ర ఆర్థిక వ్యవస్థపై పూర్తి పట్టుంది. ప్రస్తుతం రాష్ట్రం ఆర్థిక వనరులను సమకూర్చే పనిలో ఉంది. ఈ నేపథ్యంలో రామకృష్ణారావును ఎంపిక చేసినట్లు తెలుస్తోంది.