Special Officer | ఉమ్మడి జిల్లా ప్రత్యేకాధికారిగా రాజీవ్​గాంధీ హనుమంతు

అక్షరటుడే, వెబ్​డెస్క్ : Special Officer | ఉమ్మడి నిజామాబాద్​ (Nizamabad) జిల్లా ప్రత్యేకాధికారిగా ఐఏఎస్​ అధికారి రాజీవ్​గాంధీ హనుమంతు (Rajiv Gandhi Hanumanthu) నియమితులయ్యారు. ఈ మేరకు శుక్రవారం ప్రభుత్వ ప్రధాన కార్యదర్శి రామకృష్ణారావు ఉత్తర్వులు జారీ చేశారు.

కాగా ఆయన మొన్నటి వరకు జిల్లా కలెక్టర్​గా పని చేశారు. జూన్​ 13న ఆయనను ప్రభుత్వం బదిలీ చేసింది. ప్రస్తుతం స్టాంపులు, రిజిస్ట్రేషన్లు, రెవెన్యూ శాఖ స్పెషల్ సెక్రెటరీగా పని చేస్తున్నారు. స్థానిక సంస్థల ఎన్నికల (Local Body Elections) నేపథ్యంలో ప్రభుత్వం ప్రత్యేకాధికారులను నియమించినట్లు సమాచారం.