అక్షరటుడే, వెబ్డెస్క్ : Cloudburst | ఉత్తరాఖండ్లో (Uttarakhand) మళ్లీ వర్షం బీభత్సం సృష్టించింది. క్లౌడ్ బరస్ట్ కారణంగా ఆకస్మిక వరదలు ముంచెత్తడంతో పలువురు గల్లంతయ్యారు. చమోలీ జిల్లాలో శుక్రవారం రాత్రి క్లౌడ్‌బరస్ట్‌ (Cloudburst) అయింది.
ఉత్తరాఖండ్లో ఇటీవల క్లౌడ్ బరస్ట్ అయి ధరాలి గ్రామం కొట్టుకుపోయిన విషయం తెలిసిందే. ఈ ఘనటలో 60 మందికిపైగా చనిపోయారు. ఇటీవల జమ్మూ కశ్మీర్లో (Jammu and Kashmir) సైతం మేఘ విస్పోటనం జరిగింది. తాజాగా చమోలీ జిల్లాలో (Chamoli district) క్లౌడ్ బరస్ట్తో కుండపోత వాన పడింది. దీంతో ఆకస్మిక వరదలు రావడంతో పలు ఇళ్లు, వాహనాలు కొట్టుకుపోయాయి. చాలా ఇళ్లలోకి వదర నీరు వచ్చింది. పలువురు ప్రజలు గల్లంతయ్యారు. శిథిలాల కింద కూరుకుపోయి ఓ యువతి మృతి చెందింది. సమాచారం అందుకున్న NDRF, SDRF బృందాలు సహాయక చర్యలు చేపడుతున్నాయి.
Cloudburst | కొనసాగుతున్న సహాయక చర్యలు
మెరుపు వరదలు సంభవించడంతో అనేక నివాసాలను వరద నీరు ముంచెత్తింది. వాహనాలు బురదలో కూరుకుపోయాయి. సగ్వారా గ్రామంలో ఓ యువతి మృతి చెందింది. ఎన్డీఆర్‌ఎఫ్‌, ఎస్డీఆర్‌ఎఫ్‌ బృందాలు (NDRF and SDRF teams) వరద ప్రభావిత ప్రాంతాలకు చేరుకొని సహాయక చర్యలు చేపట్టాయి. ఇళ్లల్లో చిక్కుకుపోయిన స్థానికులను రక్షించి సురక్షిత ప్రాంతాలకు తరలిస్తున్నారు. ఉత్తరాఖండ్ సీఎం పుష్కర్‌సింగ్‌ ధామి (CM Pushkar Singh Dhami) ఈ ఘటనపై స్పందించారు. గల్లంతైన వారి కోసం అధికారులు గాలిస్తున్నారు. థరాలి-గ్వాల్డామ్, థరాలి-సగ్వారా రహదారి రోడ్లను అధికారులు మూసివేశారు.
Cloudburst | రాజస్థాన్లో భారీ వర్షాలు
రాజస్థాన్లో (Rajasthan) సైతం భారీ వర్షాలు పడుతున్నాయి. దీంతో ప్రజలు తీవ్ర ఇబ్బందులు పడుతున్నారు. కోట, సవాయ్‌ మాధోపూర్‌, బుండి జిల్లాల్లో వరదలు ముంచెత్తాయి. బుండిలోని నైన్వాన్‌లో 13 సెం.మీ వర్షపాతం నమోదు కావడం గమనార్హం. భారీవర్షాలతో పలు గ్రామాలు నీట మునిగాయి. దీంతో ప్రభుత్వం 9 జిల్లాల్లో స్కూళ్లకు సెలవులు (schools holidays) ప్రకటించింది. ముంపు ప్రాంతాల్లో సహాయక చర్యలు కొనసాగుతున్నాయి.
