7
అక్షరటుడే, ఇందూరు: Punishment for VDC members : గ్రామం పెత్తనం చెలాయిస్తూ కుల బహిష్కరణలకు పాల్పడే గ్రామ అభివృద్ధి కమిటీ(Village Development Committee) సభ్యులకు ఇది గట్టి దెబ్బ అనే చెప్పాలి. ఇలా చేసిన వారిపై కోర్టు కొరఢా ఝలిపించింది. ఐదేళ్ల జైలు శిక్ష విధించింది.
నిజామాబాద్ జిల్లా(Nizamabad district) జక్రాన్పల్లి మండలం కొలిప్యాక గ్రామానికి చెందిన ఎర్రోళ్ల హనుమాండ్లు(ఎస్సీ), అతని కుటుంబ సభ్యులను 2020 లో పొలం విషయంలో కొలిప్యాక వీడీసీ(VDC) సభ్యులు కుల బహిష్కరణ చేశారు. ఈ ఘటనపై ఎస్సీ, ఎస్టీ అట్రాసిటీ(SC, ST atrocities) కింద కేసు నమోదు అయింది.
జిల్లా సెషన్స్ జడ్జ్ (SCs/STs) కోర్టు T. శ్రీనివాసు కేసు పూర్వాపరాలు పరిశీలించారు. నేరం నిరూపితం కావడంతో వీడీసీకి చెందిన 16 మందికి ఐదేళ్ల జైలు శిక్ష విధిస్తూ తీర్పునిచ్చారు.
