అక్షరటుడే, వెబ్‌డెస్క్‌: Pune Road Accident | మహారాష్ట్రలోని పుణెలో ఘోర రోడ్డు ప్రమాదం చోటుచేసుకుంది. గురువారం (నవంబరు 13) పుణెలోని ఓ వంతెనపై సరకులతో వెళ్తున్న ట్రక్కు.. అదుపు తప్పి వరుసగా ఆరు వాహనాలను ఢీ కొంది. దీంతో ఒక్కసారిగా మంటలు చెలరేగాయి.
ఈ ప్రమాదంలో ఎనిమిది మంది సజీవ దహనం అయ్యారు. మరో 15 మందికి తీవ్ర గాయాలయ్యాయి. బెంగళూరు – ముంబయి జాతీయ రహదారి – 4లో ఈ ప్రమాదం చోటుచేసుకుంది.
Pune Road Accident | బ్రేకులు ఫెయిల్ కావడం వల్లే ఈ దారుణం..
సరకుల ట్రక్కు బ్రేకులు ఫెయిల్ కావడం వల్ల అదుపు తప్పి ముందు వెళ్తున్న ఆరు వాహనాలను ఢీ కొడుతూ దూసుకెళ్లడంతో ఈ ఘోర ప్రమాదం సంభవించింది.
ప్రమాద తీవ్ర దృష్ట్యా మృతుల సంఖ్య పెరిగే అవకాశం ఉందని స్థానికులు పేర్కొంటున్నారు. పూర్తిగా ధ్వంసమైన వెహికల్స్, చెల్లాచెదురుగా పడిఉన్న శరీర భాగాలతో జాతీయ రహదారి బీతావహంగా మారింది.
సతారా నుంచి పుణె వెళ్లే మార్గంలో నవాలే వంతెన సమీపంలోని గవగడ హోటల్ ఎదుట ఈ దారుణం చోటుచేసుకుంది. ప్రమాదం ధాటికి రహదారిపై పెద్ద ఎత్తున వాహనాలు నిలిచిపోయాయి. ట్రాఫిక్ పూర్తిగా స్తంభించిపోయింది.
#WATCH | Maharashtra | At least six people were killed after a container truck lost control and rammed into multiple vehicles near Navale Bridge on the Pune-Bengaluru Highway. Following the collision, 2–3 heavy vehicles caught fire. Rescue operations are underway: DCP Sambhaji… pic.twitter.com/l7W6qFuQLK
— ANI (@ANI) November 13, 2025
