Collector Vinay Krishna Reddy | ‘భూభారతి’కి ప్రాధాన్యమివ్వాలి

6

అక్షరటుడే, ఇందూరు: Collector Vinay Krishna Reddy | భూభారతి (Bhubarathi) దరఖాస్తుల పరిష్కారానికి ప్రాధాన్యత ఇవ్వాలని కలెక్టర్ వినయ్​ కృష్ణారెడ్డి సూచించారు. శనివారం నిజామాబాద్ ఆర్డీవో, తహశీల్దార్ కార్యాలయాలను ఆకస్మికంగా తనిఖీ చేశారు. ఈ సందర్భంగా కలెక్టర్ మాట్లాడుతూ.. దరఖాస్తులను పరిశీలిస్తూ నిర్ణీత గడువులోపు పరిష్కారం అయ్యేలా చూడాలన్నారు. చట్టంపై పూర్తి అవగాహన కలిగి ఉంటే సకాలంలో సులభంగా దరఖాస్తులను పరిష్కరించేందుకు అవకాశం ఉంటుందన్నారు.

Collector Vinay Krishna Reddy | రైతునేస్తం కార్యక్రమానికి సిద్ధం చేయాలి

ప్రభుత్వ ఈనెల 16న నిర్వహించనున్న రైతు నేస్తం (Raithu Nestham) కార్యక్రమాన్ని పురస్కరించుకొని జిల్లాలోని అన్ని రైతు వేదికలను ముస్తాబు చేయాలని కలెక్టర్ వినయ్ కృష్ణారెడ్డి అన్నారు. శనివారం డిచ్​పల్లి మండలం నడిపల్లి, మోపాల్ మండల కేంద్రంలో రైతు వేదికలను సందర్శించారు. ప్రతి రైతువేదికలో నీటి వసతి, టాయిలెట్, సరిపడా ఫర్నిచర్ అందుబాటులో ఉండేలా చూడాలన్నారు. స్థానిక ప్రజాప్రతినిధులను ఆహ్వానించాలని.. వీడియో కాన్ఫరెన్స్ ద్వారా సీఎం రైతులతో ముఖాముఖి జరుపుతారని తెలిపారు.