అక్షరటుడే, వెబ్డెస్క్: pregnancy | గర్భధారణ సమయంలో, ముఖ్యంగా నెలలు నిండుతున్న కొద్దీ, శారీరక అసౌకర్యం physical discomfort, హార్మోన్ల hormonal మార్పుల కారణంగా నిద్ర లేమి అనేది సర్వసాధారణమైన సమస్య. ఈ ఇబ్బంది నుంచి ఉపశమనం పొందడానికి దినచర్యలో కొన్ని చిన్నపాటి మార్పులు చేసుకుంటే బాగుంటుందని వైద్య నిపుణులు సూచిస్తున్నారు.
pregnancy | ఇలా చేస్తే సరి..
వ్యాయామం: పూర్తిగా విశ్రాంతి తీసుకోవడం కంటే, వైద్యుల సలహా మేరకు తేలికపాటి వ్యాయామం చేయడం గర్భిణితోపాటు కడుపులోని బిడ్డకు మేలు చేస్తుంది.
ఇది రోజంతా ఉత్సాహంగా ఉంచుతుంది. రాత్రిపూట శరీరాన్ని అలసిపోయేలా చేసి హాయిగా నిద్రపట్టడానికి సహాయపడుతుంది. అయితే, వ్యాయామం పడుకునే సమయానికి అతి దగ్గరగా కాకుండా, వైద్యులు సూచించిన సమయంలో చేయడం ఉత్తమం.
ఒత్తిడికి దూరంగా ఉండటం: ఒత్తిడి, ఆందోళన నిద్ర పట్టకుండా చేసే ముఖ్య కారణాలు. ఇంటి సమస్యలు, ఆర్థికపరమైన భయాలు, ప్రసవం గురించిన భయాలు నిద్రలేమికి దారితీయవచ్చు.
అధిక ఒత్తిడి గర్భిణితోపాటు బిడ్డకు కూడా మంచిది కాదు. కాబట్టి.. ధ్యానం, శ్వాస వ్యాయామాలు చేయాలి. అవసరమైతే నిపుణుల సలహాలు తీసుకోవాలి.
నిద్ర వేళలను సరి చేసుకోవడం: రోజూ ఒకే సమయానికి నిద్రపోవడం, ఒకే సమయానికి మేల్కోవడం అలవాటు చేసుకోవడం వల్ల మీ శరీరానికి ఒక నిర్దిష్ట లయ (Circadian Rhythm) ఏర్పడి, నిద్ర వచ్చే అవకాశాలు పెరుగుతాయి.
పడుకునే ముందు కనీసం ఒక గంట పాటు టీవీ TV, సెల్ఫోన్ cellphone, కంప్యూటర్ computer వంటి గ్యాడ్జెట్ (gadgets)లకు దూరంగా ఉండటం చాలా ముఖ్యం. ఈ పరికరాల నుంచి వచ్చే నీలి కాంతి (Blue Light) నిద్రను నియంత్రించే మెలటోనిన్ ఉత్పత్తిని అడ్డుకుంటుంది.
pregnancy | నిద్రకు ముందు అలవాట్లు..
గోరువెచ్చని నీటి స్నానం పడుకునే ముందు గోరువెచ్చని నీటితో స్నానం చేయడం అలవాటు చేసుకోవాలి. కొద్దిగా గోరువెచ్చటి పాలు తాగడం వల్ల కూడా కండరాలు రిలాక్స్ అవుతాయి.
మసాజ్: నిద్రపోవడానికి ఒక గంట ముందు తల, కాళ్లను సున్నితంగా మసాజ్ చేయించుకుంటే.. నరాలు ఉత్తేజితమై చక్కటి నిద్ర పడుతుందని నిపుణులు చెబుతున్నారు.
ఈ సాధారణ మార్పులను చేసుకుంటే.. గర్భిణుల నిద్రలేమి సమస్యను చాలా వరకు తగ్గించుకోవచ్చు.
