అక్షరటుడే, న్యూఢిల్లీ: Pre Market Analysis | గ్లోబల్‌ మార్కెట్లు(Global markets) లాభాల బాటలో పయనిస్తున్నాయి. దాదాపు అన్ని దేశాల ప్రధాన మార్కెట్లు గ్రీన్‌లోనే ఉన్నాయి.
యూఎస్‌, యూరోపియన్‌(European) మార్కెట్లు లాభాలతో ముగిశాయి. శుక్రవారం ఉదయం ప్రధాన ఆసియా మార్కెట్లు సైతం లాభాలతో సాగుతున్నాయి. గిఫ్ట్‌ నిఫ్టీ(Gift nifty) సైతం పాజిటివ్‌గా ఉంది.
Pre Market Analysis | యూఎస్‌ మార్కెట్లు (US markets)..
వచ్చేవారంలో డొనాల్డ్‌ ట్రంప్‌(Trump), జిన్‌పింగ్‌ సమావేశం కానుండడంతో గత సెషన్‌లో యూఎస్‌ మార్కెట్లు లాభపడ్డాయి. నాస్‌డాక్‌(Nasdaq) 0.89 శాతం, ఎస్‌అండ్‌పీ 0.58 శాతం పెరిగాయి.
శుక్రవారం ఉదయం డౌజోన్స్‌ ఫ్యూచర్స్‌ సైతం 0.08 శాతం లాభంతో ఉంది. టెస్లా 2.28 శాతం, ఎన్వీడియా 1.04 శాతం పెరిగాయి.
Pre Market Analysis | యూరోప్‌ మార్కెట్లు (European markets)..
ఎఫ్‌టీఎస్‌ఈ 0.66 శాతం, డీఏఎక్స్‌(DAX) 0.23 శాతం, సీఏసీ 0.23 శాతం పెరిగాయి.
Pre Market Analysis | ఆసియా మార్కెట్లు (Asian markets)..
ప్రధాన ఆసియా మార్కెట్లు ఉదయం 7.55 గంటల సమయంలో లాభాలతో సాగుతున్నాయి.
సౌత్‌ కొరియాకు చెందిన కోస్పీ 2.04 శాతం, జపాన్‌కు చెందిన నిక్కీ 1.40 శాతం, హాంగ్‌కాంగ్‌కు చెందిన హాంగ్‌సెంగ్‌(Hang Seng) 0.75 శాతం లాభాలు అందుకున్నాయి.
సింగపూర్‌ ఎక్స్ఛేంజ్‌ స్ట్రెయిట్స్‌ టైమ్స్‌ 0.33 శాతం, చైనాకు చెందిన షాంఘై 0.31 శాతం లాభాలతో ఉన్నాయి. గిఫ్ట్‌ నిఫ్టీ 0.30 శాతం లాభంతో కొనసాగుతోంది. దీంతో మన మార్కెట్లు గ్యాప్‌ అప్‌లో ప్రారంభమయ్యే అవకాశాలున్నాయి.
గమనించాల్సిన అంశాలు..
- ఎఫ్‌ఐఐలు నికరంగా రూ. 1,165 కోట్ల విలువైన స్టాక్స్‌ విక్రయించారు. డీఐఐ(DII)లు రూ. 3,893 కోట్ల విలువైన స్టాక్స్‌ కొనుగోలు చేశారు.
- నిఫ్టీ పుట్‌కాల్‌ రేషియో(PCR) 1.08 నుంచి 0.95 కు తగ్గింది. విక్స్‌(VIX) 3,85 శాతం పెరిగి 11.73 వద్ద ఉంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 65.59 డాలర్ల వద్ద ఉంది.
- డాలర్‌తో రూపాయి(Rupee) మారకం విలువ 10 పైసలు బలపడి 87.84 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 4.01 శాతం వద్ద, డాలర్‌ ఇండెక్స్‌ 99.01 వద్ద కొనసాగుతున్నాయి.
