అక్షరటుడే, న్యూఢిల్లీ: Pre Market Analysis | గ్లోబల్‌ మార్కెట్లు(Global markets) పాజిటివ్‌గా ఉన్నాయి. గత సెషన్‌లో యూఎస్‌, యూరోపియన్‌ మార్కెట్లు లాభాలతో ముగియగా.. గురువారం ఉదయం ఆసియా మార్కెట్లూ లాభాలతో సాగుతున్నాయి.
Pre Market Analysis | యూఎస్‌ మార్కెట్లు (US Markets)..
టెక్‌ స్టాక్స్‌లో కొనుగోళ్ల మద్దతుతోపాటు యూఎస్‌ ప్రైవేట్‌ పేరోల్స్‌ డాటా పాజిటివ్‌గా రావడంతో వాల్‌స్ట్రీట్‌లో ఉత్సాహం నెలకొంది. దీంతో గత సెషన్‌లో నాస్‌డాక్‌(Nasdaq) 0.64 శాతం, ఎస్‌అండ్‌పీ 0.37 శాతం పెరిగాయి. ఉదయం డౌజోన్స్‌ ఫ్యూచర్స్‌ మాత్రం 0.03 శాతం నష్టంతో ఉంది. టెస్లా(Tesla) 4.05 శాతం పెరగ్గా.. ఎన్వీడియా 1.75 శాతం పడిపోయింది.
Pre Market Analysis | యూరోప్‌ మార్కెట్లు (European markets)..
ఎఫ్‌టీఎస్‌ఈ 0.64 శాతం, డీఏఎక్స్‌(DAX) 0.42 శాతం, సీఏసీ 0.08 శాతం పడిపోయాయి.
Pre Market Analysis | ఆసియా మార్కెట్లు (Asian markets)..
ప్రధాన ఆసియా మార్కెట్లు ఉదయం 7.50 గంటల సమయంలో ఎక్కువగా లాభాలతో సాగుతున్నాయి. హాంగ్‌కాంగ్‌కు చెందిన హాంగ్‌సెంగ్‌(Hang Seng) 1.18 శాతం లాభాలతో ఉన్నాయి.
తైవాన్‌ స్టాక్‌ ఎక్స్ఛేంజ్‌ 1.05 శాతం, జపాన్‌కు చెందిన నిక్కీ 1.00 శాతం, సింగపూర్‌కు చెందిన స్ట్రెయిట్‌ టైమ్స్‌ 0.80 శాతం, సౌత్‌ కొరియాకు చెందిన కోస్పీ 0.65 శాతం లాభాలు గడించాయి.
చైనాకు చెందిన షాంఘై 0. 60 శాతం లాభంతో ఉంది. గిఫ్ట్‌ నిఫ్టీ(Gift nifty) 0.28 శాతం లాభంతో కొనసాగుతోంది. దీంతో మన మార్కెట్లు గ్యాప్‌అప్‌లో ప్రారంభమయ్యే అవకాశాలున్నాయి.
గమనించాల్సిన అంశాలు..
ఎఫ్‌ఐఐలు వరుసగా ఐదో సెషన్‌లోనూ నికర అమ్మకందారులుగా ఉన్నారు. నికరంగా రూ. 1,067 కోట్ల విలువైన స్టాక్స్‌ విక్రయించారు. డీఐఐ(DII)లు వరుసగా తొమ్మిదో సెషన్‌లోనూ నికర కొనుగోలుదారులుగా ఉండి, రూ. 1,202 కోట్ల విలువైన స్టాక్స్‌ కొన్నారు.
- నిఫ్టీ పుట్‌కాల్‌ రేషియో(PCR) 0.78 నుంచి 0.93 కు పెరిగింది. వరుసగా ఆరు సెషన్‌లపాటు పెరిగిన విక్స్‌(VIX).. గత సెషన్‌లో స్వల్పంగా పడిరది. 0.1 శాతం తగ్గి 12.65 వద్ద ఉంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 63.66 డాలర్ల వద్ద ఉంది.
- డాలర్‌తో రూపాయి(Rupee) మారకం విలువ 13 పైస బలపడి 88.66 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 4.15 శాతం వద్ద, డాలర్‌ ఇండెక్స్‌ 100.04 వద్ద కొనసాగుతున్నాయి.
యూఎస్‌ ప్రైవేట్‌ పేరోల్స్‌(Private payrolls) పుంజుకున్నాయి. సెప్టెంబర్‌లో 29 వేల ఉద్యోగాలు పెరగ్గా.. అక్టోబర్‌లో 42 వేల ప్రైవేట్‌ ఉద్యోగాలు పెరిగినట్లు ఏడీపీ ఉపాధి నివేదిక స్పష్టం చేస్తోంది. అంచనాల కన్నా 14 వేల ఉద్యోగాలు పెరగడం గమనార్హం.
