అక్షరటుడే, న్యూఢిల్లీ: Pre Market Analysis | గ్లోబల్‌ మార్కెట్లు (Global markets) మిశ్రమంగా సాగుతున్నాయి. యూఎస్‌ మార్కెట్లు లాభాలతో.. యూరోపియన్‌ మార్కెట్లు మిశ్రమంగా ముగిశాయి.
బుధవారం ఉదయం ప్రధాన ఆసియా మార్కెట్లు పాజిటివ్‌గా ఉన్నాయి. గిప్ట్‌ నిఫ్టీ (Gift nifty) సైతం లాభాలతో కొనసాగుతోంది.
Pre Market Analysis | యూఎస్‌ మార్కెట్లు US markets..
వాల్‌స్ట్రీట్‌(Wallstreet)లో ర్యాలీ కొనసాగుతోంది. గత సెషన్‌లో నాస్‌డాక్‌(Nasdaq) 0.80 శాతం, ఎస్‌అండ్‌పీ 0.23 శాతం పెరిగాయి. ఉదయం డౌజోన్స్‌ ఫ్యూచర్స్‌ 0.10 శాతం నష్టాలతో ఉంది. ఎన్వీడియా షేరు ధర 5 శాతం, మైక్రోసాఫ్ట్‌ 2 శాతం, టెస్లా షేరు ధర 1.8 శాతం పెరిగాయి.
Pre Market Analysis | యూరోప్‌ మార్కెట్లు European markets..
ఎఫ్‌టీఎస్‌ఈ 0.08 శాతం పెరగ్గా.. సీఏసీ 0.28 శాతం, డీఏఎక్స్‌(DAX) 0.12 శాతం నష్టపోయాయి.
Pre Market Analysis | ఆసియా మార్కెట్లు Asian markets..
ప్రధాన ఆసియా మార్కెట్లు ఉదయం 8 గంటల సమయంలో ఎక్కువగా లాభాలతో సాగుతున్నాయి. జపాన్‌కు చెందిన నిక్కీ(Nikkei) 2.11 శాతం, సౌత్‌ కొరియాకు చెందిన కోస్పీ 1.45 శాతం, తైవాన్‌ స్టాక్‌ ఎక్స్ఛేంజ్‌ 0.91 శాతం, చైనాకు చెందిన షాంఘై 0.20 శాతం లాభాలతో ఉన్నాయి.
సింగపూర్‌ ఎక్స్ఛేంజ్‌ స్ట్రెయిట్స్‌ టైమ్స్‌(Straits times) 0.23 శాతం నష్టాలతో ఉంది. గిఫ్ట్‌ నిఫ్టీ 0.28 శాతం లాభంతో కొనసాగుతోంది. దీంతో మన మార్కెట్లు గ్యాప్‌ అప్‌లో ప్రారంభమయ్యే అవకాశాలున్నాయి. హాంగ్‌కాంగ్‌ మార్కెట్లకు సెలవు.
గమనించాల్సిన అంశాలు..
- ఎఫ్‌ఐఐ(FII)లు నికరంగా రూ. 10,339 కోట్ల విలువైన స్టాక్స్‌ కొనుగోలు చేశారు. డీఐఐలు రూ. 1,081 కోట్ల విలువైన స్టాక్స్‌ కొన్నారు.
- నిఫ్టీ పుట్‌కాల్‌ రేషియో(PCR) 1.07 నుంచి 0.98కు తగ్గింది. విక్స్‌(VIX) 0.8 శాతం పెరిగి 11.95 వద్ద ఉంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 64.36 డాలర్ల వద్ద ఉంది.
- డాలర్‌తో రూపాయి మారకం విలువ ఒక పైస బలహీనపడి 88.26 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 3.99 శాతం వద్ద, డాలర్‌ ఇండెక్స్‌ 98.77 వద్ద కొనసాగుతున్నాయి.
- యూఎస్‌ ఫెడరల్‌(US Fed) రిజర్వ్‌ ద్రవ్య విధాన సమావేశం 28న ప్రారంభమైంది. ఫెడ్‌ వడ్డీ రేట్లను 25 బేసిస్‌ పాయింట్లు తగ్గిస్తుందని మార్కెట్‌ భావిస్తోంది.
- పశ్చిమాసియాలో మళ్లీ ఉద్రిక్త పరిస్థితులు నెలకొంటున్నాయి. హమాస్‌ కాల్పుల విరమణ ఒప్పందాన్ని ఉల్లంఘించిందని ఆరోపిస్తూ ఇజ్రాయిల్‌ గాజాలో దాడులు ప్రారంభించింది.
