అక్షరటుడే, న్యూఢిల్లీ: Pre Market Analysis | గ్లోబల్‌ మార్కెట్లు(Global markets) మిక్స్‌డ్‌గా ఉన్నాయి. యూఎస్‌, యూరోపియన్‌ మార్కెట్లు లాభాలతో ముగియగా.. ఆసియా మార్కెట్లు మిశ్రమంగా స్పందిస్తున్నాయి.
యూఎస్‌, యూరోపియన్‌ మార్కెట్లు(European markets) గత సెషన్‌లోనూ లాభాలతో ముగిశాయి. మంగళవారం ఉదయం ప్రధాన ఆసియా మార్కెట్లు మిక్స్‌డ్‌గా ఉన్నాయి. గిఫ్ట్‌ నిఫ్టీ (Gift nifty) మాత్రం పాజిటివ్‌గా ఉంది.
Pre Market Analysis | యూఎస్‌ మార్కెట్లు..
వాల్‌స్ట్రీట్‌(Wallstreet)లో రికార్డు ర్యాలీలు కొనసాగుతున్నాయి. వరుసగా రెండో రోజూ జీవన కాల గరిష్టాలను నమోదు చేశాయి. గత సెషన్‌లో నాస్‌డాక్‌ (Nasdaq) 1.86 శాతం, ఎస్‌అండ్‌పీ 1.23 శాతం పెరిగాయి.
ఉదయం డౌజోన్స్‌ ఫ్యూచర్స్‌ ఫ్లాట్‌గా ఉంది. టెస్లా (Tesla) షేరు ధర 4.31 శాతం, ఇంటెల్‌ 3.29 శాతం, ఎన్వీడియా 2.81 శాతం, ఆపిల్‌ 2.28 శాతం పెరిగాయి.
Pre Market Analysis | యూరోప్‌ మార్కెట్లు..
డీఏఎక్స్‌(DAX) 0.28 శాతం, సీఏసీ 0.16 శాతం, ఎఫ్‌టీఎస్‌ఈ 0.08 శాతం పెరిగాయి.
Pre Market Analysis | ఆసియా మార్కెట్లు..
ప్రధాన ఆసియా మార్కెట్లు ఉదయం 8.10 గంటల సమయంలో ఎక్కువగా నష్టాలతో సాగుతున్నాయి. సింగపూర్‌ ఎక్స్ఛేంజ్‌ స్ట్రెయిట్స్‌ టైమ్స్‌(Straits times) 0.55 శాతం, తైవాన్‌ స్టాక్‌ ఎక్స్ఛేంజ్‌ 0.27 శాతం లాభాలతో ఉన్నాయి.
సౌత్‌ కొరియాకు చెందిన కోస్పీ 1.09 శాతం, హాంగ్‌కాంగ్‌కు చెందిన హాంగ్‌సెంగ్‌(Hang Seng) 0.18 శాతం, జపాన్‌కు చెందిన నిక్కీ 0.16 శాతం, చైనాకు చెందిన షాంఘై 0.11 శాతం నష్టాలతో ఉన్నాయి.
గిఫ్ట్‌ నిఫ్టీ 0.13 శాతం లాభంతో కొనసాగుతోంది. దీంతో మన మార్కెట్లు గ్యాప్‌ అప్‌(Gap up)లో ప్రారంభమయ్యే అవకాశాలున్నాయి.
గమనించాల్సిన అంశాలు..
- ఎఫ్‌ఐఐలు నికరంగా రూ. 55 కోట్ల విలువైన స్టాక్స్‌ విక్రయించారు. డీఐఐ(DII)లు రూ. 2,492 కోట్ల విలువైన స్టాక్స్‌ కొన్నారు.
- నిఫ్టీ పుట్‌కాల్‌ రేషియో(PCR) 0.76 నుంచి 1.07కు పెరిగింది. విక్స్‌(VIX) 2.31 శాతం పెరిగి 11.86 వద్ద ఉంది.
- పీసీఆర్‌ పెరగడం బుల్స్‌కు సానుకూలాంశమైనా.. విక్స్‌ పెరగడం మార్కెట్‌లో భయాలను సూచిస్తోంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 65.69 డాలర్ల వద్ద ఉంది.
- డాలర్‌తో రూపాయి మారకం విలువ 38 పైసలు బలహీనపడి 88.24 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 3.99 శాతం వద్ద, డాలర్‌ ఇండెక్స్‌ 98.70 వద్ద కొనసాగుతున్నాయి.
- అమెరికా, చైనా వాణిజ్య ఒప్పందానికి దగ్గరగా ఉండడం, యూఎస్‌ ఫెడ్‌(US Fed) వడ్డీ రేట్లను తగ్గించే అవకాశాలు ఉండడంతో వాల్‌స్ట్రీట్‌లో ర్యాలీ కొనసాగుతోంది.
