అక్షరటుడే, వెబ్‌డెస్క్‌: Pre market Analysis | గ్లోబల్‌ మార్కెట్లు (Global markets) మిశ్రమంగా సాగుతున్నాయి. యూఎస్‌, యూరోపియన్‌ మార్కెట్లు మిశ్రమంగా ముగిశాయి.
గురువారం ఉదయం ప్రధాన ఆసియా మార్కెట్లు ఎక్కువగా లాభాలతో ఉన్నాయి. గిప్ట్‌ నిఫ్టీ (Gift nifty) నష్టాలతో ట్రేడ్‌ అవుతోంది.
Pre market Analysis | యూఎస్‌ మార్కెట్లు (US markets)..
యూఎస్‌ ఫెడరల్‌(US Fed) రిజర్వ్‌ వడ్డీ రేట్లను కట్‌ చేసిన తర్వాత చేసిన కామెంట్లతో వాల్‌స్ట్రీట్‌(Wallstreet) ఒత్తిడికి గురయ్యింది. యూఎస్‌, చైనా అధ్యక్షుల మధ్య ఈరోజు సమావేశం జరగనుంది. ఈ నేపథ్యంలో ఇన్వెస్టర్లు ఆచితూచి వ్యవహరించారు.
దీని ప్రభావం ఇతర దేశాల మార్కెట్లపైనా కనిపిస్తోంది. గత సెషన్‌లో నాస్‌డాక్‌(Nasdaq) 0.55 శాతం లాభంతో, ఎస్‌అండ్‌పీ ఫ్లాట్‌గా ముగిశాయి. ఉదయం డౌజోన్స్‌ ఫ్యూచర్స్‌ 0.27 శాతం లాభంతో ఉంది.
ఆల్ఫాబెట్‌ షేరు ధర 6.73 శాతం, ఎన్వీడియా షేరు ధర 3 శాతం, టెస్లా షేరు ధర 0.20 శాతం పెరిగాయి. మెటా ప్లాట్‌ఫాం 7.37 శాతం, మైక్రోసాఫ్ట్‌ 4 శాతం పడిపోయాయి.
Pre market Analysis | యూరోప్‌ మార్కెట్లు (European markets)..
ఎఫ్‌టీఎస్‌ఈ 0.61 శాతం పెరగ్గా.. డీఏఎక్స్‌(DAX) 0.64 శాతం, సీఏసీ 0.19 శాతం నష్టపోయాయి.
Pre market Analysis | ఆసియా మార్కెట్లు (Asian markets)..
ప్రధాన ఆసియా మార్కెట్లు(Asian markets) ఉదయం 8.10 గంటల సమయంలో ఎక్కువగా లాభాలతో సాగుతున్నాయి. సౌత్‌ కొరియాకు చెందిన కోస్పీ 0.86 శాతం, హాంగ్‌కాంగ్‌కు చెందిన హాంగ్‌సెంగ్‌(Hang Seng) 0.74 శాతం, తైవాన్‌ స్టాక్‌ ఎక్స్ఛేంజ్‌ 0.43 శాతం, చైనాకు చెందిన షాంఘై 0.15 శాతం, జపాన్‌కు చెందిన నిక్కీ 0.05 శాతం లాభాలతో ఉన్నాయి. సింగపూర్‌ Singapure ఎక్స్ఛేంజ్‌ స్ట్రెయిట్స్‌ టైమ్స్‌ 0.24 శాతం నష్టాలతో ఉంది. గిఫ్ట్‌ నిఫ్టీ 0.23 శాతం నష్టంతో కొనసాగుతోంది. దీంతో మన మార్కెట్లు నెగెటివ్‌గా ప్రారంభమయ్యే అవకాశాలున్నాయి.
గమనించాల్సిన అంశాలు..
- ఎఫ్‌ఐఐలు నికరంగా రూ. 2,54 కోట్ల విలువైన స్టాక్స్‌ విక్రయించారు.
- డీఐఐ(DII)లు రూ. 5,692 కోట్ల విలువైన స్టాక్స్‌ కొన్నారు.
- నిఫ్టీ పుట్‌కాల్‌ రేషియో(PCR) 0.98 నుంచి 1.14కు పెరిగింది. విక్స్‌(VIX) 0.17 శాతం పెరిగి 11.97 వద్ద ఉంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 64.54 డాలర్ల వద్ద ఉంది.
- డాలర్‌తో రూపాయి(Rupee) మారకం విలువ 7 పైసలు బలపడి 88.20 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 4.07 శాతం వద్ద, డాలర్‌ ఇండెక్స్‌ 99.03 వద్ద కొనసాగుతున్నాయి.
- అందరూ ఊహించినట్లుగానే యూఎస్‌ ఫెడ్‌ వడ్డీ రేట్లను 25 బేసిస్‌ పాయింట్లు తగ్గించింది. అయితే డిసెంబర్‌లో మరో కోతపై హామీ ఇవ్వలేమన్న ఫెడ్‌ చైర్మన్‌ కామెంట్‌ ఇన్వెస్టర్లను నిరాశపరిచింది.
