అక్షరటుడే, న్యూఢిల్లీ: Pre market analysis | గ్లోబల్ మార్కెట్లు(Global markets) జోరుమీదున్నాయి. యూఎస్, యూరోప్ మార్కెట్లు లాభాలతో ముగియగా.. సింగపూర్, హాంగ్కాంగ్(Hang Kong) ఎక్స్ఛేంజీలు మినహా మిగిలిన అన్ని ప్రధాన ఆసియా మార్కెట్లు సైతం లాభాల బాటలో పయనిస్తున్నాయి.
గాజాలో యుద్ధాన్ని ముగించడానికి ఇజ్రాయిల్, హమాస్ కాల్పుల విరమణ ఒప్పందానికి అంగీకరించాయి. దీంతో మధ్యప్రాచ్యం(Middle East)లో జియోపొలిటికల్ టెన్షన్స్ తగ్గుముఖం పట్టే అవకాశాలుండడంతో గ్లోబల్ మార్కెట్లు పాజిటివ్గా స్పందిస్తున్నాయి.
వాల్స్ట్రీట్(Wallstreet)తోపాటు యూరోప్ మార్కెట్లు భారీగా లాభపడగా.. గురువారం ఉదయం ప్రధాన ఆసియా మార్కెట్లు సైతం పాజిటివ్గా ట్రేడ్ అవుతున్నాయి. గిఫ్ట్ నిఫ్టీ(Gift nifty) కూడా లాభాలతో ఉంది. స్ట్రెయిట్స్టైమ్స్, హాంగ్సెంగ్ మాత్రమే నష్టాలతో ఉన్నాయి.
Pre market analysis | యూఎస్ మార్కెట్లు..
టెక్ స్టాక్స్లో జోరు కొనసాగుతోంది. దీంతో యూఎస్ మార్కెట్ లాభాల బాటలో సాగింది. నాస్డాక్(Nasdaq) 1.12 శాతం, ఎస్అండ్పీ 0.58 శాతం లాభపడ్డాయి. గురువారం ఉదయం డౌజోన్స్ ఫ్యూచర్స్ 0.10 శాతం లాభంతో ఉంది.
Pre market analysis | యూరోప్ మార్కెట్లు..
సీఏసీ 1.06 శాతం, డీఏఎక్స్(DAX) 0.86 శాతం, ఎఫ్టీఎస్ఈ 0.68 శాతం లాభాలతో ముగిశాయి.
Pre market analysis | ఆసియా మార్కెట్లు..
గురువారం ఉదయం ప్రధాన ఆసియా మార్కెట్లు(Asian markets) లాభాలతో సాగుతున్నాయి. ఉదయం 7.50 గంటల సమయంలో తైవాన్ స్టాక్ ఎక్స్ఛేంజ్ 1.39 శాతం, జపాన్కు చెందిన నిక్కీ 1.28 శాతం, చైనాకు చెందిన షాంఘై 0.69 శాతం లాభంతో ఉన్నాయి. హాంగ్కాంగ్కు చెందిన హాంగ్సెంగ్(Hang Seng) 0.25 శాతం, సింగపూర్ ఎక్స్ఛేంజ్ స్ట్రెయిట్స్ టైమ్స్ 0.21 శాతం నష్టంతో ఉన్నాయి. గిఫ్ట్ నిఫ్టీ 0.23 శాతం లాభంతో ఉంది. దీంతో మన మార్కెట్లు ఈరోజు పాజిటివ్గా ప్రారంభమయ్యే అవకాశాలున్నాయి.
గమనించాల్సిన అంశాలు..
ఎఫ్ఐఐ(FII)లు రెండో సెషన్లోనూ నికర కొనుగోలుదారులుగా నిలిచారు. గత సెషన్లో నికరంగా రూ. 81 కోట్ల విలువైన స్టాక్స్ కొన్నారు. డీఐఐలు వరుసగా 31వ సెషన్లోనూ నికర కొనుగోలుదారులుగా ఉండి, రూ. 330 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 1.03 నుంచి 0.80 కి తగ్గింది. విక్స్(VIX) 2.61 శాతం పెరిగి 10.31 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 65.61 డాలర్ల వద్ద ఉంది.
- డాలర్తో రూపాయి మారకం విలువ 88.78 వద్ద నిలిచింది.
- యూఎస్ పదేళ్ల బాండ్ ఈల్డ్ 4.16 శాతం వద్ద, డాలర్ ఇండెక్స్ 98.17 వద్ద కొనసాగుతున్నాయి.
