అక్షరటుడే, న్యూఢిల్లీ: Pre market analysis | గత సెషన్లో వాల్స్ట్రీట్(Wall street)తోపాటు యూరోపియన్ మార్కెట్లు మిక్స్డ్గా ముగిశాయి. బుధవారం ఉదయం ప్రధాన ఆసియా స్టాక్ మార్కెట్లు నష్టాలతో ట్రేడ్ అవుతున్నాయి. గిఫ్ట్నిఫ్టీ(Gift nifty) సైతం నెగెటివ్గా ఉండడంతో మన మార్కెట్లు గ్యాప్ డౌన్లో ప్రారంభమయ్యే అవకాశాలున్నాయి.
Pre market analysis | యూఎస్ మార్కెట్లు..
వడ్డీ రేట్ల కోతపై యూఎస్ ఫెడరల్ రిజర్వ్(US Federaal reserve) సమావేశం ఫలితాలు ఈరోజు రాత్రి వెల్లడవనున్నాయి. ఫెడ్ కామెంటరీ నెగెటివ్గా ఉండవచ్చన్న అంచనాలతో వాల్స్ట్రీట్ ఒడిదుడుకులకు లోనయ్యింది. గత సెషన్లో నాస్డాక్(Nasdaq) 0.09 శాతం పెరగ్గా.. ఎస్అండ్పీ 0.11 శాతం పడిపోయింది. ఉదయం డౌజోన్స్ ఫ్యూచర్స్ 0.04 శాతం లాభంతో ఉంది.
Pre market analysis | యూరోప్ మార్కెట్లు..
డీఏఎక్స్(DAX) 0.48 శాతం లాభపడగా.. సీఏసీ 0.69 శాతం, ఎఫ్టీఎస్ఈ 0.03 శాతం నష్టపోయాయి.
Pre market analysis | ఆసియా మార్కెట్లు..
వాల్స్ట్రీట్ ప్రభావం ఆసియా మార్కెట్ల(Asian markets)పై కనిపిస్తోంది. బుధవారం ఉదయం 8 గంటల సమయంలో ప్రధాన ఆసియా మార్కెట్లు నష్టాలతో కనిపిస్తున్నాయి. తైవాన్ స్టాక్ ఎక్స్ఛేంజ్ 0.34 శాతం, సౌత్ కొరియాకు చెందిన కోస్పీ(Kospi) 0.02 శాతం లాభాలతో ఉండగా.. చైనాకు చెందిన షాంఘై 0.60 శాతం, హాంగ్కాంగ్కు చెందిన హాంగ్సెంగ్(Hang Seng) 0.42 శాతం, జపాన్కు చెందిన నిక్కీ 0.40 శాతం, సింగపూర్కు చెందిన స్ట్రెయిట్ టైమ్స్ 0.26 శాతం నష్టాలతో ఉన్నాయి. గిఫ్ట్ నిఫ్టీ 0.08 శాతం నష్టంతో కొనసాగుతోంది. మన మార్కెట్లు నష్టాలతో ప్రారంభమయ్యే అవకాశాలున్నాయి.
గమనించాల్సిన అంశాలు..
- ఎఫ్ఐఐలు నికరంగా రూ. 3,760 కోట్ల విలువైన స్టాక్స్ విక్రయించారు.
- డీఐఐ(DII)లు రూ. 6,224 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 0.64 నుంచి 0.86 కు పెరిగింది. విక్స్(VIX) 1.55 శాతం తగ్గి 10.95 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 62.09 డాలర్ల వద్ద ఉంది.
- డాలర్తో రూపాయి(Rupee) మారకం విలువ 21 పైసలు బలపడి 89.88 వద్ద నిలిచింది.
- యూఎస్ పదేళ్ల బాండ్ ఈల్డ్ 4.18 శాతం వద్ద, డాలర్ ఇండెక్స్ 99.22 వద్ద కొనసాగుతున్నాయి.
- భారత్, అమెరికాల మధ్య వాణిజ్య ఒప్పందం కోసం ఈ రోజు చర్చలు New Delhiలో జరగనున్నాయి. ఇవి మూడు రోజులపాటు కొనసాగుతాయి.
