అక్షరటుడే, న్యూఢిల్లీ: Pre Market analysis | గ్లోబల్‌ మార్కెట్ల (Global markets) నుంచి అందుతున్న సానుకూల సంకేతాలతో గురువారం ఉదయం మన మార్కెట్లు లాభాలతో ప్రారంభమయ్యే అవకాశాలు కనిపిస్తున్నాయి.
యూఎస్‌ మార్కెట్లు(US markets) గత సెషన్‌లో కోలుకుని లాభాల బాట పట్టాయి. యూరోప్‌ మార్కెట్లు మిక్స్‌డ్‌గా ముగిశాయి. గురువారం ఉదయం ప్రధాన ఆసియా మార్కెట్లలో ర్యాలీ కొనసాగుతోంది. గిఫ్ట్‌ నిఫ్టీ(Gift nifty) పాజిటివ్‌గా ఉంది.
Pre Market analysis | యూఎస్‌ మార్కెట్లు (US markets)..
గత సెషన్‌లో నాస్‌డాక్‌(Nasdaq) 0.66 శాతం, ఎస్‌అండ్‌పీ 0.40 శాతం పెరిగాయి. గురువారం ఉదయం డౌజోన్స్‌ ఫ్యూచర్స్‌ సైతం 0.10 శాతం లాభంతో ఉంది. మోర్గాన్‌ స్లాన్లీ షేరు ధర 4.7 శాతం పెరగగా.. బ్యాంక్‌ ఆఫ్‌ అమెరికా(Bank of America) షేరు 4.4 శాతం, ఇంటెల్‌ 4.27 శాతం, టెస్లా 1.38 శాతం పెరిగాయి.
Pre Market analysis | యూరోప్‌ మార్కెట్లు (European markets)..
సీఏసీ 1.95 శాతం లాభపడగా.. ఎఫ్‌టీఎస్‌ఈ 0.30 శాతం, డీఏఎక్స్‌(DAX) 0.23 శాతం నష్టంతో ముగిసింది.
Pre Market analysis | ఆసియా మార్కెట్లు (Asian markets)..
ప్రధాన ఆసియా మార్కెట్లు(Asian markets) ఉదయం 7.50 గంటల సమయంలో లాభాలతో సాగుతున్నాయి. సౌత్‌ కొరియాకు చెందిన కోస్పీ 1.77 శాతం, తైవాన్‌ స్టాక్‌ ఎక్స్ఛేంజ్‌ 1.40 శాతం, జపాన్‌కు చెందిన నిక్కీ 0.86 శాతం, హాంగ్‌కాంగ్‌కు చెందిన హాంగ్‌సెంగ్‌(Hang Seng) 0.25 శాతం, చైనాకు చెందిన షాంఘై 0.29 శాతం లాభాలతో ఉన్నాయి.
సింగపూర్‌ ఎక్స్ఛేంజ్‌ స్ట్రెయిట్స్‌ టైమ్స్‌(Straits times) 0.46 శాతం నష్టంతో ఉంది. గిఫ్ట్‌ నిఫ్టీ 0.25 శాతం లాభంతో కొనసాగుతోంది. దీంతో మన మార్కెట్లు ఈరోజు పాజిటివ్‌గా ప్రారంభమయ్యే అవకాశాలున్నాయి.
గమనించాల్సిన అంశాలు..
- ఎఫ్‌ఐఐ(FII)లు గత సెషన్‌లో నికరంగా రూ. 68 కోట్ల విలువైన స్టాక్స్‌ కొన్నారు. డీఐఐలు వరుసగా 36వ సెషన్‌లోనూ నికర కొనుగోలుదారులుగా ఉండి, రూ. 4,650 కోట్ల విలువైన స్టాక్స్‌ కొన్నారు.
- నిఫ్టీ పుట్‌కాల్‌ రేషియో(PCR) 0.91 నుంచి 1.21కు జంప్‌ అయ్యింది. విక్స్‌(VIX) 5.6 శాతం తగ్గి 10.53 వద్ద ఉంది.
- బ్రెంట్‌ క్రూడ్‌ ఆయిల్‌ ధర బ్యారెల్‌కు 62.38 డాలర్ల వద్ద ఉంది.
- డాలర్‌తో రూపాయి(Rupee) మారకం విలువ 73 పైసలు బలపడి 88.07 వద్ద నిలిచింది.
- యూఎస్‌ పదేళ్ల బాండ్‌ ఈల్డ్‌ 0.17 శాతం తగ్గి 4.03 శాతం వద్ద, డాలర్‌ ఇండెక్స్‌ 0.25 శాతం తగ్గి 98.44 వద్ద కొనసాగుతున్నాయి.
- భారత్‌, యూఎస్‌ల మధ్య వాణిజ్య చర్చలు కొనసాగుతున్నాయి.
- గ్రామీణ, పట్టణ ప్రాంతాలలో నిరుద్యోగం పెరగడం వల్ల భారత నిరుద్యోగ రేటు(Umemployment rate) గతనెలలో 5.2 శాతానికి చేరింది. ఇది అంతకుముందు నెలలో 5.1 శాతంగా ఉంది. గ్రామీణ ప్రాంతాలలో నిరుద్యోగ రేటు 6 శాతానికి చేరగా.. పట్టణ ప్రాంతాలలో 4.6 శాతంగా ఉంది.
