అక్షరటుడే, వెబ్డెస్క్: Potato peels | సాధారణంగా మనం వంటింట్లో కూరలు చేసేటప్పుడు బంగాళాదుంప తొక్కలను పనికిరాని చెత్తగా భావించి పారేస్తుంటాం. కానీ, ఆ తొక్కల్లో మన శరీరానికి అవసరమైన విటమిన్లు, ఫైబర్, ఐరన్, యాంటీ ఆక్సిడెంట్లు పుష్కలంగా ఉంటాయని మీకు తెలుసా? పోషకాల గని అయిన ఈ తొక్కలను సరిగ్గా ఉపయోగిస్తే అటు ఆరోగ్యానికి, ఇటు సౌందర్యానికి ఎంతో మేలు చేస్తాయని నిపుణులు చెబుతున్నారు.
జుట్టు రంగు: Potato peels | వయసుతో సంబంధం లేకుండా జుట్టు Hair color తెల్లగా మారటం ఈ రోజుల్లో సాధారణమైపోయింది. దీని కోసం ఖరీదైన హెయిర్ డైలు వాడే బదులు, బంగాళాదుంప తొక్కలను నీటిలో బాగా మరిగించి, ఆ నీటితో జుట్టును కడిగితే అద్భుత ఫలితం ఉంటుంది. ఇది జుట్టుకు సహజమైన నలుపును అందించడమే కాకుండా మంచి మెరుపును కూడా ఇస్తుంది.
చర్మ సౌందర్యానికి: Potato peels | ముఖంపై నల్ల మచ్చలు, మొటిమలతో ఇబ్బంది పడేవారికి బంగాళాదుంప తొక్కలు ఒక గొప్ప ఔషధం. ఈ తొక్కలను మెత్తగా గ్రైండ్ చేసి, కొంచెం తేనె కలిపి ఫేస్ ప్యాక్ లా వేసుకుంటే ముఖం కాంతివంతంగా మారుతుంది. ఇది చర్మం skin పై ఉండే ఫ్రీ రాడికల్స్తో పోరాడి, చర్మాన్ని యవ్వనంగా ఉంచుతుంది.
ఇంటి వస్తువుల మెరుపు: Potato peels | వంటింట్లో వాడే లోహపు వస్తువులు లేదా కత్తులు తుప్పు పట్టినప్పుడు, ఈ తొక్కలతో రుద్దితే అవి కొత్తవాటిలా మెరుస్తాయి. వీటిలో ఉండే పిండి పదార్థాలు ఒక సహజమైన పాలిష్ లా పనిచేస్తాయి.
మొక్కలకు మేలైన ఎరువు: Potato peels | పెరటి తోట పెంచే అలవాటు ఉంటే, ఈ తొక్కలను అస్సలు పారేయకండి. వీటిని ఎండబెట్టి మట్టిలో కలిపితే అది గొప్ప సేంద్రియ ఎరువుగా మారుతుంది. ఇందులోని పొటాషియం, భాస్వరం మొక్కలు ఆరోగ్యంగా, వేగంగా పెరగడానికి తోడ్పడతాయి.
ఆరోగ్య ప్రయోజనాలు: బంగాళాదుంపలను తొక్కతో సహా ఉడికించి తినడం వల్ల శరీరానికి అవసరమైన ఫైబర్ అందుతుంది. ఇది జీర్ణక్రియను మెరుగుపరచడమే కాకుండా, రక్తపోటును (బీపీ) నియంత్రణలో ఉంచుతుంది. బరువు తగ్గాలనుకునే వారికి కూడా ఇది మంచి ఎంపిక.
అందుకే బంగాళాదుంప తొక్కలను చెత్తబుట్టలో వేసే ముందు, వాటిలోని ఈ ప్రయోజనాలను గుర్తుంచుకోండి.
