అక్షరటుడే, వెబ్డెస్క్ : Peddi Movie | ఉప్పెన వంటి బ్లాక్ బస్టర్ హిట్ తర్వాత బుచ్చిబాబు రామ్ చరణ్ Ram Charan కలిసి పెద్ది అనే సినిమా చేస్తున్న విషయం తెలిసిందే. ఈ మూవీకి సంబంధించిన విషయాలు ప్రేక్షకులలో ఆసక్తిని కలిగిస్తున్నాయి. ఇటీవల చరణ్ లండన్లోని మేడమ్ టుస్సాడ్స్ మ్యూజియంలో తన మైనపు విగ్రహ ఆవిష్కరణకు చరణ్ హాజరయ్యారు. ఆ ఈవెంట్లో పెద్ది సినిమాకు సంబంధించిన అప్డేట్ ఇచ్చి ఫ్యాన్స్కి కిక్ ఇచ్చారు. పెద్ది చిత్రం షూటింగ్ ఇప్పటి వరకు 30% పూర్తయిందని రామ్ చరణ్ వెల్లడించారు. రంగస్థలం కంటే పెద్ది మూవీ భారీగా ఉంటుందని , మూవీ ఫస్ట్ గ్లింప్స్ విడుదలైన తర్వాత అభిమానుల్లో మరింత ఉత్సాహం పెరిగిందని చెప్పారు.
Peddi Movie | క్రేజీ న్యూస్..
పెద్ది Peddi మూవీ కూడా రంగస్థలం తరహాలో ఉండబోతుందని అభిమానులు ఊహిస్తున్నారు. అయితే చరణ్ ఇచ్చిన అప్డేట్తో పెద్ది రంగస్థలం కంటే భారీగా ఉంటుందని అంచనా వేస్తున్నారు. ఈ మూవీలో జాన్వీ కపూర్(Janhvi Kapoor) హీరోయిన్గా నటిస్తున్నారు. సీనియర్ నటుడు జగపతిబాబు, కన్నడ స్టార్ శివ రాజ్కుమార్, దివ్యేందు లాంటి స్టార్స్ ముఖ్య పాత్రలు పోషిస్తున్నారు. ఆస్కార్ గ్రహీత ఏఆర్ రెహమాన్ సంగీతం అందిస్తున్నారు. సుకుమార్ రైటింగ్స్ సంస్థ మైత్రీ మూవీ మేకర్స్(Mythri Movie Makers)తో కలిసి వెంకట సతీశ్ కిలారు ఈ చిత్రాన్ని నిర్మిస్తున్నారు. కొద్ది రోజుల క్రితం విడుదలైన గ్లింప్స్ కేక పుట్టించింది. ఇందులో రామ్ చరణ్ సిక్సర్ కొట్టిన తీరు అదుర్స్. ఏదైనా నేలమీద ఉన్నప్పుడే చేసేయ్యాలి.. పుడాతామా ఏంటి మళ్లీ.” అంటూ ఉత్తరాంధ్ర యాసలో చరణ్ చెప్పే డైలాగ్స్ ఈలలు వేయించేలా ఉన్నాయి
వచ్చే ఏడాది మార్చి 27న ఈ సినిమా రిలీజ్ కానుండగా, ఇది స్పోర్ట్స్ యాక్షన్ డ్రామాగా రాబోతుంది. చిత్రంలో చరణ్ ఆట కూలీగా కనిపించనున్నాడని టాక్. ఈ సినిమా ఒక స్పోర్ట్స్ డ్రామాగా Sports Drama ఉంటుందని అంటున్నారు. ఈ సినిమాలో క్రికెట్, కుస్తీ, కబడ్డీ వంటి వివిధ ఆటలు ఉంటాయని. ఈ సినిమాలో చరణ్ లుక్ చాలా డిఫరెంట్ గా ఉంటుందని అంటున్నారు. ఇక స్పెషల్ సాంగ్ కూడా ప్లాన్ చేశారని, ఆ సాంగ్ కోసం పూజా హెగ్డేని ఎంపిక చేసినట్టు ప్రచారం జరుగుతోంది. గతంలో రామ్ చరణ్ నటించిన రంగస్థలంలో పూజా స్పెషల్ సాంగ్తో అదరగొట్టిన విషయం తెలిసిందే.
