అక్షరటుడే, ఇందూరు: Police Transfers | హైదరాబాద్ కమిషనరేట్ పరిధిలో భారీగా పోలీసులు బదిలీ అయ్యారు. ఈ మేరకు గురువారం ఉత్తర్వులు జారీ చేశారు.
సిటీ పోలీసింగ్ ప్రక్షాళనలో భాగంగా ఈ బదిలీలు చేపట్టారు. ఏక కాలంలో 249 మంది సబ్ ఇన్స్పెక్టర్లను ట్రాన్స్ఫర్ చేశారు. అలాగే పది మంది ఇన్స్పెక్టర్లను సైతం బదిలీ చేశారు. ఈ మేరకు హైదరాబాద్ సీపీ సీపీ సీవీ ఆనంద్ ఉత్తర్వులు జారీ చేశారు. మరోవైపు 88 మందికి ఎస్సైలుగా పదోన్నతి కల్పిస్తూ.. వారికి నూతన స్థానాల్లో పోస్టింగ్ ఇచ్చారు.
హైదరాబాద్లో సిటీలో మెరుగైన పోలీసింగ్ అందించే లక్ష్యంతో సీపీ సీవీ ఆనంద్ cp CV anand కసరత్తు జరుపుకున్నారు. ఇటీవల సీఎం రేవంత్ రెడ్డి పోలీసు ఉన్నతాధికారులతో కీలక సమీక్ష జరిపారు. శాంతిభద్రతల పరిరక్షణ కోసం పలు సూచనలు చేశారు. ఇదే సమయంలో పోలీస్ బాస్లకు పవర్స్ కల్పిస్తూ నిర్ణయం తీసుకున్నారు. ముఖ్యంగా శాంతిభద్రతల పరిరక్షణ, నేరాలను కట్టడి చేసేలా ఉన్నతాధికారులు పలు చర్యలకు శ్రీకారం చుట్టారు. దీంట్లో భాగంగానే హైదరాబాద్ సిటీ పరిధిలో పెద్ద ఎత్తున బదిలీలు జరిపినట్లు తెలుస్తోంది.
