అక్షరటుడే, బాన్సువాడ: Siddapur Reservoir | వర్ని మండలంలోని సిద్దాపూర్ రిజర్వాయర్ (Siddapur Reservoir) నిర్మాణ పనుల పురోగతిని రాష్ట్ర వ్యవసాయ సలహాదారు, ఎమ్మెల్యే పోచారం శ్రీనివాస్ రెడ్డి (MLA Pocharam Srinivas Reddy) పరిశీలించారు. రిజర్వాయర్ నిర్మాణ పనులను పరిశీలించిన అనంతరం కాంట్రాక్టర్తో మాట్లాడి పనులను నిర్ణీత గడువులో త్వరితగతిన పూర్తి చేయాలని సూచించారు.
Siddapur Reservoir | నాణ్యతలో రాజీ పడొద్దు..
నాణ్యతలో రాజీ పడొద్దని.. ఎలాంటి లోపాలు లేకుండా జాగ్రత్తలు తీసుకోవాలని ఎమ్మెల్యే పోచారం ఆదేశించారు. రైతులకు సాగునీటి ప్రయోజనం చేకూరేలా పనులు చేపట్టాలని సూచించారు. బాన్సువాడ మండలం కోనాపూర్, హన్మాజీపేట్ ప్రాంతంలో నూతనంగా నిర్మిస్తున్న ప్రభుత్వ గిరిజన బాలికల గురుకుల పాఠశాల భవన నిర్మాణ పనుల పురోగతిని పోచారం శ్రీనివాస్ రెడ్డి పరిశీలించారు. విద్యార్థినులకు మెరుగైన వసతులు కల్పించేలా పనులు వేగవంతం చేయాలని, భవన నిర్మాణం నాణ్యతతో కూడి ఉండాలని అధికారులను ఆదేశించారు. ఈ కార్యక్రమంలో ఆగ్రోస్ ఛైర్మన్ కాసుల బాలరాజు తదితరులు పాల్గొన్నారు.
