అక్షరటుడే, వెబ్డెస్క్: SBI Recruitment | ప్రభుత్వ రంగ సంస్థ అయిన ఎస్‌బీఐ(SBI) ప్రొబెషనరీ ఆఫీసర్‌(Probationary Officer) పోస్టుల భర్తీకి నోటిఫికేషన్‌ విడుదల చేసింది. 541 పోస్టులను భర్తీ చేయనుంది. ఈ పోస్టులకు దరఖాస్తు చేసుకోవడానికి ఈనెల 14వ తేదీతో గడువు ముగియనుంది. నోటిఫికేషన్‌(Notification) వివరాలు..
భర్తీ చేసే పోస్టుల సంఖ్య : 541.
రిజర్వేషన్ల వారీగా పోస్టుల వివరాలు.. అన్‌రిజర్వ్‌డ్‌ : 203, ఓబీసీ : 135, ఎస్సీ : 80, ఎస్టీ : 73, ఈడబ్ల్యూఎస్‌ 50)
విద్యార్హత: ఏదైనా డిగ్రీ(Any degree) ఉత్తీర్ణత (ఈ ఏడాది సెప్టెంబర్‌ 30 నాటికి డిగ్రీ పూర్తవ్వాలి)
వయో పరిమితి: 21 నుంచి 30 ఏళ్లు (01.04.2025 నాటికి). ఓబీసీ(OBC)లకు మూడేళ్లు, ఎస్సీ, ఎస్టీలకు ఐదేళ్ల వరకు వయోపరిమితిలో సడలింపు ఉంటుంది.
వేతనం: ప్రారంభ మూల వేతనం రూ. 48,480.
దరఖాస్తు విధానం: ఆన్‌లైన్‌ ద్వారా
దరఖాస్తుకు చివరి తేదీ: ఈనెల 14.
ఎంపిక ప్రక్రియ :
ఎంపిక ప్రక్రియ మూడు దశలలో ఉంటుంది.
ఫేజ్‌ 1లో వంద మార్కులకు ప్రిలిమినరీ(Preliminary) పరీక్ష ఆన్‌లైన్‌ ద్వారా నిర్వహిస్తారు. ఇది ఈనెలాఖరులో లేదా ఆగస్టులో ఉండే అవకాశాలున్నాయి. 60 నిమిషాలలో పూర్తి చేయాల్సిన ఈ పరీక్షలో నెగెటివ్‌ మార్కు(Negative marks)లుంటాయి. ప్రతి తప్పు సమాధానికి పావు మార్కు కోత విధిస్తారు. అయితే ఈ మార్కులను తుది ఎంపికలో పరిగణనలోకి తీసుకోరు.
ఫేజ్‌ 2లో 250 మార్కులకు మెయిన్‌(Main) ఎగ్జామ్‌ ఉంటుంది. ఇది సెప్టెంబర్‌లో ఉండే అవకాశాలున్నాయి. ఆబ్జెక్టివ్‌ పరీక్షకు మూడు గంటల సమయం ఉంటుంది. డిస్క్రిప్టివ్‌ పరీక్షకు 30 నిమిషాల సమయం కేటాయిస్తారు.
ఫేజ్‌ 3 లో ఇంటర్వ్యూ(Interview), గ్రూప్‌ ఎక్సర్‌సైజ్‌ ఉంటాయి.
అభ్యర్థులు ఫేజ్‌ 2లో పొందిన మార్కులు, ఫేజ్‌ 3లో సాధించిన మార్కులతో కలిపి తుది జాబితా రూపొందిస్తారు. కేటగిరీలవారీగా అర్హులను ఎంపిక చేస్తారు.
దరఖాస్తు, ఇతర వివరాలకు https://sbi.co.in/careers వెబ్‌సైట్‌లో సంప్రదించండి.
