అక్షరటుడే,నిజామాబాద్ సిటీ : PCC Chief | రాష్ట్రంలో కాంగ్రెస్ ప్రజా ప్రభుత్వం చేస్తున్న అభివృద్దిని చూసి ప్రజలు జూబ్లీహిల్స్లో అత్యధిక మెజారిటీతో కాంగ్రెస్ అభ్యర్థిని గెలిపించారని పీసీసీ చీఫ్ బొమ్మ మహేష్కుమార్ (PCC Chief Mahesh Kumar) గౌడ్ అన్నారు.
జూబ్లీహిల్స్ ఉప ఎన్నికల్లో (Jubilee Hills by-Election) కాంగ్రెస్ అభ్యర్థి నవీన్యాదవ్ గెలుపుపై ఆయన శుక్రవారం నగరంలోని ఆర్అండ్బీ గెస్ట్హౌస్లో విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ.. సీఎం రేవంత్రెడ్డి (CM Revanth Reddy), డిప్యూటీ సీఎం భట్టి విక్రమార్క ప్రణాళిక ప్రకారం.. ఎమ్మెల్యేలు, ఎమ్మెల్సీలు, కార్పొరేషన్ ఛైర్మన్లు పార్టీ కార్యకర్తలు అంతా కలిసి ఉపఎన్నికల్లో గెలుపు కోసం తీవ్రంగా కృషి చేశారన్నారు.
PCC Chief | మరో మెట్రో, మూసినది సుందరీకరణ..
ముఖ్యంగా హైదరాబాద్లో (Hyderabad) మరో మెట్రో రైలుమార్గం, మూసీ సుందరీకరణ పనులపై హర్షం వ్యక్తం చేస్తూ ప్రజలు కాంగ్రెస్ వైపు నిలిచారని ఆయన పేర్కొన్నారు. ఈ ఎన్నికల ద్వారా ప్రజలు రెండు సందేశాలిచ్చారని.. కాంగ్రెస్ పాలనలో సంతోషంగా ఉన్నారని చెప్పారని.. అలాగే వచ్చే ఎన్నికల్లోనూ వందకుపైగా సీట్లను గెలుస్తామనే ధీమా తమకు ఇచ్చారని ఆయన పేర్కొన్నారు.
బీఆర్ఎస్కు మనుగడ లేదు
బీఆర్ఎస్కు (BRS) మనుగడ లేదని తాజా తీర్పుతో స్పష్టమైందని మహేశ్ కుమార్ గౌడ్ అన్నారు. జూబ్లీహిల్స్లో గెలుపుతో బీఆర్ఎస్కు స్థానం లేదని ప్రజలు తీర్పునిచ్చారని పేర్కొన్నారు. ఎన్నికల ప్రచారంలో బీరాలు పలికిన బీఆర్ఎస్ నాయకుల మాటలను ప్రజలు నమ్మలేదన్నారు.
PCC Chief | వచ్చే ఎన్నికల్లో వందకుపైగా సీట్లు సాధిస్తాం..
వచ్చే మూడేళ్లలోనూ జనరంజక పాలన అందిస్తూ.. వచ్చే ఎన్నికల్లో వందకుపైగా సీట్లు సాధిస్తామని పీసీసీ చీఫ్ ధీమా వ్యక్తం చేశారు. రెండేళ్లు ప్రజల కోసమే పాలన సాగించామని.. వచ్చే మూడేళ్లు సైతం ప్రజారంజక పాలన అందిస్తూ వచ్చే మరో సారి భారీ మెజారిటీతో అధికారం నిలబెట్టుకుంటామన్నారు.
PCC Chief | బీసీ రిజర్వేషన్లు సాధిస్తాం..
బీసీ రిజర్వేషన్లను (BC Reservations) ఎట్టిపరిస్థితుల్లో సాధిస్తామని పీసీసీ అధ్యక్షుడు పేర్కొన్నారు. అందుకే బీసీ బిడ్డ నవీన్యాదవ్ను నిలబెట్టామన్నారు. తమ నాయకుడు రాహుల్గాంధీ, కాంగ్రెస్ అధ్యక్షుడు ఖర్గే ఆశయాలను సాధిస్తూ రాష్ట్రంలో మరిన్ని అభివృద్ధి కార్యక్రమాలు నిర్వహిస్తామన్నారు. ప్రభుత్వ సంక్షేమం, అభివృద్ధి పట్ల ప్రజలు సంతృప్తి చెంది భారీ మెజార్టీతో కాంగ్రెస్‌ను గెలిపించారని తెలిపారు.
PCC Chief | ప్రజలు స్పష్టమైన మద్దతునిచ్చారు..
కంటోన్మెంట్‌ ఉప ఎన్నికల మాదిరిగానే జూబ్లీహిల్స్ ఉప ఎన్నికలోనూ కాంగ్రెస్ పార్టీకి ప్రజలు స్పష్టమైన మద్దతు ఇచ్చారని పీసీసీ చీఫ్ పేర్కొన్నారు. ప్రతిపక్షాలకు చెంపపెట్టు వంటి తీర్పు ఇచ్చారని ఆయన అన్నారు. జూబ్లీహిల్స్ విజయం జీహెచ్ఎంసీ ఎన్నికలకు (GHMC Elections) నాంది పలుకుతూ, రానున్న జీహెచ్ఎంసీ (GHMC) ఎన్నికల్లో కూడా కాంగ్రెస్ పార్టీకి ప్రజలు పట్టం కట్టడం ఖాయమని ధీమా వ్యక్తం చేశారు.
PCC Chief | ఈ విజయం ప్రతి కార్యకర్తకు అంకితం..
జూబ్లీహిల్స్ ఉప ఎన్నికల్లో ప్రతి కాంగ్రెస్ కార్యకర్త చెమటోడ్చి కష్టపడ్డారని బొమ్మ మహేష్కుమార్ గౌడ్ అన్నారు. గెలుపు కోసం పైస్థాయి నుంచి కిందిస్థాయి వరకు ప్రతికార్యకర్త గెలుపు కోసం కృషి చేశారన్నారు. ఈ విజయం వారికే అంకితమిస్తున్నామని ఆయన ఈ సందర్భంగా పేర్కొన్నారు.
PCC Chief | రేవంత్రెడ్డికి శుభాకాంక్షలు..
జూబ్లీహిల్స్ ఉప ఎన్నికల్లో పక్కా ప్రణాళికతో ముందుకు వెళ్లామని.. అందుకే విజయం తమ సొంతమైందని పీసీసీ చీఫ్ అన్నారు. ఈ సందర్భంగా సీఎం రేవంత్రెడ్డికి, డిప్యూటీ సీఎం భట్టి విక్రమార్కకు (Deputy CM Bhatti Vikramarka) శుభాకాంక్షలు తెలియజేశారు. సమావేశంలో ప్రభుత్వ సలహాదారులు సుదర్శన్రెడ్డి, షబ్బీర్అలీ, ఎమ్మల్యే భూపతిరెడ్డి, డీసీసీ అధ్యక్షుడు మానాల మోహన్ రెడ్డి, నుడా ఛైర్మన్ కేశ వేణు, సీనియర్ నాయకులు నరాల రత్నాకర్ తదితరులు పాల్గొన్నారు.
