అక్షరటుడే, వెబ్డెస్క్: SpiceJet flight | గోవా నుంచి పుణెకు (Goa to Pune) వెళ్తున్న స్పైస్జెట్ విమానం గాల్లో ఉన్నపుడే ఒక కిటికీకి సంబంధించిన లోపలి ఫ్రేమ్ ఊడిపోవడం కలకలం రేపింది. విమానంలో ప్రయాణిస్తున్న ప్రయాణికులంతా (passengers) ఈ ఘటనతో తీవ్ర భయాందోళనకు గురయ్యారు. ఎలాంటి దుర్ఘటన జరగకుండానే విమానం సురక్షితంగా గమ్యస్థానానికి చేరినప్పటికీ, ఈ ఘటన విమానయాన భద్రతపై తీవ్ర విమర్శలు వ్యక్తం అవుతున్నాయి. మంగళవారం స్పైస్జెట్కు చెందిన Q400 రకం విమానం (SpiceJet Q400 aircraft) గోవా నుంచి పుణెకు ప్రయాణిస్తున్న క్రమంలో ఈ ఘటన జరిగింది. ప్రయాణం మధ్యలో ఓ ప్రయాణికుడు కిటికీ పక్కన ఉన్నప్పుడు ఆ కిటికీకి పైభాగంలో అమర్చిన “కాస్మెటిక్ కవర్” (లోపలి కిటికీ ఫ్రేమ్) ఒక్కసారిగా ఊడిపడింది. ఈ అనూహ్య పరిణామంతో సదరు ప్రయాణికుడితో పాటు సమీపంలోని ఇతరులు ఒక్కసారిగా గందరగోళానికి గురయ్యారు.
SpiceJet flight | ఇలా ఊడిందేంటి..
విమానం గాల్లో ఉన్న సమయంలో జరిగిన ఈ ఘటన కారణంగా ప్రయాణికులలో (passengers) తీవ్ర ఆందోళన నెలకొంది. “విమాన కిటికీ ఊడిపోతే ఏం జరుగుతుందో?” అనే భయం వారికి కలిగింది. అయితే అది కేవలం కిటికీకి అటాచ్ చేసిన లోపలి డెకరేటివ్ ఫ్రేమ్ మాత్రమేనని స్పైస్జెట్ యాజమాన్యం (SpiceJet management) వివరించింది. కాగా.. ఘటనపై డైరెక్టరేట్ జనరల్ ఆఫ్ సివిల్ ఏవియేషన్ (DGCA) స్పందించింది. సంఘటనపై పూర్తి సమాచారం ఇవ్వాలని స్పైస్జెట్ను ఆదేశించింది. అలాగే, టెక్నికల్ సమస్య, మెయింటెనెన్స్ లోపం, మానవ తప్పిదం ఏదైనా ఉన్నాయా అనే కోణాల్లో విచారణ ప్రారంభించింది.
ఈ సంఘటనపై విమాన ప్రయాణికుల సంఘాలు (Air passenger associations) స్పందించాయి. ఇది చిన్న విషయంగా ముగిసింది. కానీ గాల్లో ఉన్నప్పుడు జరిగిన ఈ తరహా లోపం ప్రయాణికులకు భద్రతా విషయంలో ఎన్నో సందేహాలు కలిగిస్తోంది. ఇలాంటివి సహించరాని పరిస్థితిలో ఉన్నాం అంటూ హెచ్చరికలు జారీ చేశాయి. అయితే ఘటన అనంతరం ప్రయాణికులు తమ అనుభవాన్ని సోషల్ మీడియా వేదికగా షేర్ చేస్తున్నారు. “విమానం ఆకాశంలో వెళ్తున్న సమయంలో ఇలాంటి ఘటన జరిగితే, మన భద్రత ఎవరి భాద్యత?” అంటూ ప్రశ్నిస్తున్నారు. DGCA ఇప్పటికే విచారణ ప్రారంభించగా, స్పైస్జెట్ (Spicejet) కూడా ఈ సంఘటనపై అంతర్గత నివేదిక సిద్ధం చేస్తున్నట్లు సమాచారం. రిపోర్ట్ ఆధారంగా మరిన్ని చర్యలు తీసుకోనున్నారు.
