అక్షరటుడే, వెబ్డెస్క్ :Operation Sindoor | పహల్గాం ఉగ్రదాడి(Pahalgam Terror Attack)లో 26 మంది అమాయకులు ప్రాణాలు కోల్పోయిన విషయం తెలిసిందే. దీనికి ప్రతీకారంగా భారత సైన్యం ఆపరేషన్ సిందూర్ Operation sindoor పేరుతో పాకిస్తాన్పై క్షిపణి దాడులు చేసింది. ఆపరేషన్ సిందూర్ చేపట్టినట్లు మంగళవారం అర్ధరాత్రి దాటిన తరువాత అంటే 1.44 గంటలకు భారత రక్షణ మంత్రిత్వ శాఖ అధికారిక ప్రకటనలో పేర్కొంది. పాకిస్తాన్(Pakistan)తో పాటు పాకిస్తాన్ ఆక్రమిత కశ్మీర్లోని ఉగ్రవాద స్థావరాలను లక్ష్యంగా చేసుకొని భారత్ క్షిపణులతో విరుచుకుపడడంతో పాక్ ఉలిక్కిపడింది. ప్రస్తుతం ఇరు దేశాల్లోనూ యుద్ధ పరిస్థితులు నెలకొన్నాయి. ఈ తరుణంలో బాలీవుడ్ (Bollywood) అంతా ఆపరేషన్ సిందూర్ టైటిల్పై ఫోకస్ చేయడం అందరిని ఆశ్చర్యపరిచింది.
Operation Sindoor | క్రేజీ పోస్టర్..
ఒక వైపు యుద్ధం కోసం సైన్యం అంతగా పోరాడుతుంటే టైటిల్ కోసం ఏకంగా 15 స్టూడియోల మధ్య యుద్ధం జరుగుతుండటం ఆశ్చర్యకరంగా మారింది. ఆపరేషన్ సిందూర్ (Operation Sindoor) అనే పదం ఇప్పుడు బాగా వైరల్ కావడంతో, అందరి నోళ్లలో ఇది నానుతోంది. దీంతో ఈ టైటిల్ను దక్కించుకునేందుకు బాలీవుడ్ మేకర్స్ మధ్య తీవ్ర పోటీ నెలకొంది. ఇదే సమయంలో ఒక ఫిలిం మేకర్ Film Maker సినిమా ప్రకటన కూడా చేసేశారు, పోస్టర్ కూడా విడుదల చేశారు. కానీ, ఈ పోస్టర్ చూసిన నెటిజన్లు మేకర్స్ పై విరుచుకుపడ్డారు. విరల్ భయాని(Viral Bhayani) అనే పేజీలో ఈ సినిమా పోస్టర్ షేర్ చేయగా, పోస్టర్ లో ‘ఆపరేషన్ సింధూర్’ అనే టైటిల్ పైన ‘భారత్ మాతా కీ జై’ అని రాసి ఉంది. టైటిల్ కింద ఆర్మీ యూనిఫామ్ లో ఒక నటి చేతిలో గన్ పట్టుకుని, నుదుటన సింధూరం పెట్టుకుంటున్నట్టు చూపించడం జరిగింది.
ఇక బ్యాక్ గ్రౌండ్ లో Back ground బాంబు దాడుల సీన్ ఉంది. “ఇండియా చేసిన ధైర్య సాహసాలతో కూడిన ‘ఆపరేషన్ సిందూర్’ సినిమా కోసం నిక్కీ విక్కీ భగ్నానీ ఫిల్మ్స్(Nicky Vicky Bhagnani Films), ది కంటెంట్ ఇంజనీర్ కలిసి పనిచేస్తున్నారు” అని పోస్టర్ షేర్ చేస్తూ రాశారు. ఉత్తమ్ మహేశ్వరి, నితిన్ కుమార్ గుప్తా ఈ సినిమాకి దర్శకత్వం వహిస్తున్నారు. నటీనటుల గురించి ఇంకా సమాచారం లేదు. యుద్ధం జరుగుతున్న సమయంలో జవాన్లకి అండగా ఉంటూ ధైర్యాన్ని ఇవ్వాల్సింది పోయి డబ్బుల కోసం ఇలాంటి పనులు చేస్తారా అని కొందరు తిట్టిపోస్తున్నారు. ప్రస్తుతం పోస్టర్ నెట్టింట వైరల్గా మారింది.
