అక్షరటుడే, మెండోరా : Irrigation projects | శ్రీరాంసాగర్ ప్రాజెక్ట్కు (Sriram Sagar Project) వరద కొనసాగుతోంది. ఎగువ మహారాష్ట్రలో కురుస్తున్న భారీ వర్షాలకు జలశయానికి వరద పోటెత్తుతోంది. దీంతో అధికారులు గురువారం 26 వరద గేట్లను ఎత్తి దిగువకు నీటిని విడుదల చేస్తున్నారు.
జలాశయంలోకి ప్రస్తుతం 1,09,654 క్యూసెక్కుల ఇన్ఫ్లో వస్తోంది. దీంతో అంతే మొత్తంలో దిగువకు వరదకు వదులుతున్నారు. ఎస్కేప్ గేట్ల ద్వారా 8 వేల క్యూసెక్కులు, సరస్వతి కాలువకు 650 క్యూసెక్కులు, లక్ష్మి కాలువకు 200, మిషన్ భగీరథకు 231 క్యూసెక్కులు విడుదల చేస్తున్నారు. ఇన్ఫ్లో, ఔట్ఫ్లో గురువారం సమానంగా ఉంది. ఆవిరి రూపంలో 573 క్యూసెక్కులు పోతోంది. కాకతీయ కాలువకు ప్రస్తుతం నీటి విడుదలను నిలిపేశారు. జలాశయం నీటినిల్వ సామర్థ్యం 80.5 టీఎంసీలు కాగా.. ప్రస్తుతం అంతేస్థాయిలో నీరు నిల్వ ఉంది.
Irrigation projects | అప్రమత్తంగా ఉండాలి
గోదావరిలోకి (Godavari) నీటి విడుదలను కొనసాగుతున్నందున దిగువ గ్రామాల ప్రజలు అప్రమత్తంగా ఉండాలని అధికారులు పేర్కొన్నారు. గోదావరి పరీవాహక ప్రాంతంలో పొలాలు ఉన్న రైతులు సైతం జాగ్రత్తగా ఉండాలని హెచ్చరించారు. వరద పెరిగితే నీటి విడుదలను పెంచుతామని ప్రాజెక్టు అధికారులు స్పష్టం చేశారు.
Irrigation projects | నిజాంసాగర్కు పెరుగుతున్న ఇన్ఫ్లో..
అక్షరటుడే, ఎల్లారెడ్డి : Irrigation projects | నిజాంసాగర్ ప్రాజెక్ట్లోకి (Nizamsagar Project) ఎగువ నుంచి ఇన్ఫ్లో పెరిగింది. జలాశయంలోకి ప్రస్తుతం 20,514 క్యూసెక్కుల వరద వస్తుండగా.. అధికారులు 12 గేట్లకు గాను 3 గేట్లు ఎత్తి దిగువకు నీటిని విడుదల చేస్తున్నారు. ప్రాజెక్ట్ పూర్తిస్థాయి నీటిమట్టం 1405 అడుగులు (17.8 టీఎంసీలు) కాగా.. అంతే మొత్తంలో జలాశయంలో నీటినిల్వ ఉంది.
Irrigation projects | పోచారం ప్రాజెక్ట్..
నాగిరెడ్డిపేట మండలంలోని పోచారం ప్రాజెక్ట్కు (Pocharam Project) ఇన్ఫ్లో క్రమంగా పెరుగుతోంది. ప్రాజెక్ట్ నిండుకుండలా ఉండడంతో వచ్చిన నీరు వచ్చినట్లు అలుగుపై నుంచి పారుతోంది. ప్రస్తుతం డ్యాంలోకి 1,464 క్యూసెక్కుల ఇన్ఫ్లో వస్తోంది.
