అక్షరటుడే, వెబ్‌డెస్క్‌: Mumbai : ముంబయి విమానాశ్రయం (Mumbai airport) లో డీఆర్ఐ అధికారులు భారీగా కొకైన్ను పట్టుకున్నారు.
కొకైన్ క్యాప్సుల్స్ ను కడుపులో ఉంచుకుని ప్రయాణిస్తున్న వ్యక్తిని అదుపులోకి తీసుకున్నారు. అతడి పొట్టలో నుంచి 1,139 గ్రాముల 67 కొకైన్ క్యాప్సుల్స్(cocaine capsules)ను స్వాధీనం చేసుకున్నారు. వీటి విలువ రూ.11.39 కోట్ల వరకు ఉంటుందని అధికారుల అంచనా. నిందితుడిని ఐవరీకోస్ట్ జాతీయుడిగా అధికారులు గుర్తించారు.
సియెర్రా లియోన్ (Sierra Leone) నుంచి ముంబయి (Mumbai airport) వచ్చిన సదరు ప్రయాణికుడిపై అధికారులకు అనుమానం వచ్చి, క్షుణ్ణంగా తనిఖీ చేశారు. విచారణలో భాగంగా కడుపులో మాదకద్రవ్యాలతో కూడిన క్యాప్యుల్స్ ఉన్నట్లు తెలపడంతో అతడిని ప్రభుత్వ ఆసుపత్రికి తరలించారు. క్యాప్సుల్స్ ను స్వాధీనం చేసుకున్న నార్కొటిక్స్ అధికారులు దర్యాప్తు చేపట్టారు.
