అక్షరటుడే, నిజామాబాద్ క్రైం: Nizamabad Police Prajavani | నగరంలోని సీపీ కార్యాలయంలో సోమవారం పోలీస్ ప్రజావాణి కార్యక్రమాన్ని నిర్వహించారు. ఈ సందర్భంగా సీపీ సాయిచైతన్య(CP Saichaitanya) ప్రజల నుంచి ఫిర్యాదులు స్వీకరించారు.
Nizamabad Police Prajavani | 30 ఫిర్యాదులు..
ఈ సందర్భంగా సీపీ ప్రజావాణిలో (Nizamabad Police Prajavani) 30 ఫిర్యాదులు స్వీకరించారు. బాధితుల సమస్యలు విని వాటిని చట్టప్రకారం పరిష్కరించాల్సిందిగా సంబంధిత అధికారులకు సూచనలు చేశారు. ప్రజలు నిర్భయంగా, మూడో వ్యక్తి ప్రమేయం, పైరవీలు లేకుండా స్వచ్చందంగా పోలీసు సేవల్ని వినియోగించుకోవచ్చని సీపీ తెలిపారు. పోలీసులు ప్రజలకు మరింత దగ్గరయ్యేలా, శాంతి భద్రతలు పరిరక్షిస్తూ ముందుకు సాగడమే లక్ష్యంగా జిల్లా పోలీస్ శాఖ పని చేస్తుందని చెప్పారు.
విధులతో పాటు క్రీడల్లోనూ రాణించాలి..
విధులతో పాటు క్రీడల్లోనూ రాణించాలని సీపీ సాయిచైతన్య సూచించారు. తెలంగాణ పోలీస్ స్పోర్ట్స్ అండ్ గేమ్స్ మీట్లో (Telangana Police Sports Meet 2026) జిల్లా నుంచి పోలీస్ క్రీడాకారులు పాల్గొన్నారు. ఈ సందర్భంగా పలువురు పతకాలు సాధించగా.. వారిని సీపీ అభినందించారు.
గచ్చిబౌలి స్టేడియంలో..
హైదరాబాద్లోని (hyderabad) గచ్చిబౌలి ఇండోర్ స్టేడియం (Gachibowli Indoor Stadium), సైబరాబాద్ పోలీస్ పరేడ్ గ్రౌండ్స్లో ఫిబ్రవరి 16 నుంచి 21 వరకు జరిగిన 4వ తెలంగాణ పోలీస్ స్పోర్ట్స్ అండ్ గేమ్స్ మీట్ – 2026లో జిల్లా క్రీడాకారులు ప్రతిభ చూపారు. ఈ సందర్భంగా పతకాలు సాధించిన సిబ్బందిని సీపీ సోమవారం తన కార్యాలయంలో ప్రత్యేకగా అభినందించారు. వివిధ విభాగాల్లో నిజామాబాద్ పోలీస్ కమిషనరేట్ పరిధిలో పాల్గొన్న సిబ్బంది 4 గోల్డ్ మెడల్స్, 7 సిల్వర్ మెడల్స్, 9 బ్రాంజ్ మెడల్స్ సాధించారు. కార్యక్రమంలో అదనపు డీసీపీ (ఏఆర్) రామచంద్రరావు, పతకాలు సాధించిన పోలీస్ సిబ్బంది పాల్గొన్నారు.
