Nizamabad Municipal Polling | తరలివస్తున్న ఓటర్లు.. పోలింగ్​ సరళిని పరిశీలించిన అధికారులు

అక్షరటుడే, వెబ్​డెస్క్ : Nizamabad Municipal Polling | ఉమ్మడి నిజామాబాద్​ జిల్లాలో మున్సిపల్​ ఎన్నికల (Municipal elections) పోలింగ్​ ప్రక్రియ కొనసాగుతోంది. నిజామాబాద్​ కార్పొరేషన్​ (Nizamabad Corporation)తో సహా ఏడు మున్సిపాలిటీల్లో ఓటర్లు బారులు తీరారు.

పోలింగ్ ఉదయం 7 గంటలకు ప్రారంభమైంది. మొదట మందకొడిగా సాగిన పోలింగ్​ ప్రక్రియ 8 గంటల తర్వాత జోరందుకుంది. ఉదయం 9 గంటల వరకు భీమ్​గల్​ మున్సిపాలిటీ (Bhimgal Municipality) పరిధిలో 9.38 శాతం పోలింగ్ నమోదయిందని అధికారులు తెలిపారు. బోధన్ మున్సిపాలిటి (Bodhan Municipality)లో 14.24 శాతం, ఆర్మూర్​లో 11.05 శాతం పోలింగ్ నమోదు అయింది.

ఎన్నికలకు అధికారులు అన్ని వసతులు కల్పించారు. ఎలాంటి అవాంఛనీయ ఘటనలు చోటు చేసుకోకుండా పోలీసులు బందోబస్తు నిర్వహిస్తున్నారు. పోలింగ్​ కేంద్రాల వద్ద ప్రచారం చేపట్టకుండా చర్యలు చేపట్టారు. పలువురు ప్రముఖులు ఓటు హక్కు వినియోగించుకున్నారు. సాయంత్రం 5 గంటల వరకు పోలింగ్​ కొనసాగనుంది. అభ్యర్థులు తమ వార్డు పరిధిలోని ఓటర్లు అందరు ఓటు వేసే ఏర్పాట్లు చేస్తున్నారు. బోధన్ మున్సిపాలిటీలో  ఓటింగ్ సరళిని జిల్లా అబ్జర్వర్ సత్యనారాయణ రెడ్డి పరిశీలించారు.